#репост Кел жайроним... Қувалашиб тоғ-у тошда шамол билан, К | narbekov_official
#репост
Кел жайроним...
Қувалашиб тоғ-у тошда шамол билан,
Кўзинг тушди, мен тургандим хаёл билан.
Тикилдинг нигоҳинг тўла савол билан,
Кел жайроним, юрагингга яшир мени.
Сувдек оқдим, еллардайин емдим мана,
Дарё бўлди кўздан тошиб селим яна.
Паноҳ сўраб ўтлоғингга келдим мана,
Кел жайроним, юрагингга яшир мени.
Булут оҳим, кўксим менинг осмон эрур,
Хаёлларим ўтлоғингда сарсон эрур.
Кўнглим чакка ўтган эски айвон эрур,
Кел жайроним, юрагингга яшир мени.
Киприкларинг тилсин майли кўкрагимни,
Чайна бармоқларимни ҳам билагимни.
Туёқларинг билан эзгин юрагимни,
Кел жайроним, юргингга яшир мени.
Аслиддин НОРБЕК
@asliddin_norbek_official
