narbekov_official

2021-12-10 11:21:19 Талабаларни шахс сифатида эътироф этиш мумкинми?

Одамлар умри давомида учта босқичдан ўтишади, булар одам, инсон ва шахс босқичлари.

Одам туғилганда одам сифатида эътироф этилади, орзу қилишни ва ўйлашни бошлаган вақтдан бошлаб эса инсон бўлади, тафаккур қилишни, ўз олдига қўйган мақсадларига чин маънода интилишни ҳамда жамиятда ўз ўрнига эга бўлишни, кимгадир керак эканини ҳис қилишни бошлаганидан кейингина шахс даражасига етишади.

Шахс даражасига етишиш учун анча меҳнат қилиш, тер тўкиш, ўқиш ва изланиш керак. Аммо қорни оч, бошпанаси йўқ бўлган инсон қандай қилиб келажаги тўғрисида қайғуриши мумкин. Шунақа инсонларнинг бир гуруҳи талабар ҳисобланади. Аммо айрим талабарни шахс даражасига етишганлар ёки етишадиганлар қаторига қўшиш мумкинми?

БАТАФСИЛ: https://human.uz/8/60/3435

@asliddin_norbek_official Ochish/sharhlash

2021-11-28 15:49:08 "Ўзбекистон келажаги буюк давлат".

Мана мактаб тадбирлари, мана келажак

@ANDIJON_BUGUN Ochish/sharhlash

2021-11-02 13:58:50 Админда ҳам кўнгил бор

@Zafarello Ochish/sharhlash

2021-10-28 13:48:48 #репост

Кел жайроним...

Қувалашиб тоғ-у тошда шамол билан,
Кўзинг тушди, мен тургандим хаёл билан.
Тикилдинг нигоҳинг тўла савол билан,
Кел жайроним, юрагингга яшир мени.

Сувдек оқдим, еллардайин емдим мана,
Дарё бўлди кўздан тошиб селим яна.
Паноҳ сўраб ўтлоғингга келдим мана,
Кел жайроним, юрагингга яшир мени.

Булут оҳим, кўксим менинг осмон эрур,
Хаёлларим ўтлоғингда сарсон эрур.
Кўнглим чакка ўтган эски айвон эрур,
Кел жайроним, юрагингга яшир мени.

Киприкларинг тилсин майли кўкрагимни,
Чайна бармоқларимни ҳам билагимни.
Туёқларинг билан эзгин юрагимни,
Кел жайроним, юргингга яшир мени.

Аслиддин НОРБЕК
@asliddin_norbek_official Ochish/sharhlash

2021-10-28 13:46:24 Маши сумка бугун ишхонамизда трендда бўлди. Эрталаб ишга шошиб, сумкани автобусда қолдириб кетибмиз. Кейин бориб автобус шафёридан сумкани шеригим олиб келди. Қараса, ичида 450 минг сўм пулдан 150 мингги қолибди. Кўп суриштириб ўтирмабди ҳам. Хуллас бу сумка бугун ишхонамиз эътибор марказида бўлди.

ПС: инсофли ўғри экан. Ҳаммасини олмабди. 150 минггини қолдирибдию. Шунисигаям шукур.

Каналга уланиш: https://t.me/joinchat_kuzatuv Ochish/sharhlash

2021-10-25 10:18:23 ***

Жуссам бор, ҳасаддан куяр айиқлар,
Суягим ярайди кўкка тиргакка.
Важоҳатимдан-ку арслон ҳайиқар,
Филдек армоним бор муштдек юракда.

Кўпиртириб нетгум, не фойда лофдан,
Тишларим олдида не эрур тошлар.
Юзимнинг фарқи йўқ асли офтобдан,
Фақат кўзим булут, тўкар кўзёшлар.

Менга ярашмасми бўлмоқлик йиртқич?
Бурдалардим юзлаб сиртлон лашкарин.
Ов бўлса, водийни қон-ла суғориб,
Кийиклар бўғзини ғажиб ташлардим.

Йиртқич ўйламайди, ҳайвонда онг йўқ,
Лек унга ҳоким йўқ Худодан бўлак.
Қаранг, менинг эса ҳожаларим кўп,
Бари чизиб берар юрмоққа йўлак.

Тутганим ердим-у шермасман афсус,
Маҳкумман сиртлондек нушхурт емоққа.
Арслон важоҳатим, айиқ келбатим
Шоқоллар енгмоқда, итлар енгмоқда.

Туғилмоқ бахт эди, биринчи нафас,
Биламан, Аллоҳим сўзсиз карамли.
Ундан омонатга жон олмоқ шараф,
Лек итлар қўлида ўлмоқ аламли.

Аслиддин НОРБЕК
25.10.2021
@asliddin_norbek_official Ochish/sharhlash

2021-10-01 14:20:22 She‘rga qo‘yilgan haykal

YouTubeda "Хоразм Вилояти. Матназар Абдулхаким." videosini ko‘ring


Ochish/sharhlash

2021-09-29 16:43:58 *******

Кўзларим қизарган, қабоғим шишган,
Уйқумас, оқшомги шаробнинг касри.
Тамоғим бўғилган, бошларим гаранг,
Тишим сарғайтирган тамаки заҳри.

Таъна қилма асло, бўлмагин дилгир,
Тўғри, авваллари ундай эмасдим.
Ҳаммаси ўзгарди, жумладан мен ҳам,
Бошқа ёққа кетди ҳаёт кемаси.

Ўзим бошқармадим кемани, ахир
Бунда мен оддий бир матросман холос.
Қара, капитанга ўхшамайман-ку
Алчанглаб юраман матросларга хос.

Авайлаб юрибман омонат жоним,
Қайга ҳам борардим тўрт тараф денгиз.
Ўйлама, менга ҳам ўзи бўлмади
Шунча йил узоқда яшашнинг сенсиз.

Ўзи сен қолувдинг қилмаган таъна,
Тишни тишга қўйиб, қиляпман тоқат.
Шартта кўпирардим, лекин онамга
Қайтишга сўз бериб қўйганман фақат.

Чайқаламан денгиз тўлқинларида,
Оч наҳанглар бир-бир кўз қирин ташлар.
Ҳаммаси сабрсиз, кўзга қон тўлган,
Ҳаммаси бир менинг қонимга ташна.

Кўргани кўзим йўқ шу наҳангларни,
Кўнглим увушади, тораяр миям.
Майни сипқораман, тортаман тутун,
Қўй, энди кўп кўрма менга шуниям.

Маломат қилмагин, жарангин қара,
Майнинг шишасидан чиқди бу овоз.
Қирғоқ яқин қолди, вақт ўтказиш чун
Бор йўғи бир шиша ичаман холос.

Аслиддин НОРБЕК
29.09.2021
@asliddin_norbek_official Ochish/sharhlash

2021-09-28 10:42:59 #репост

КЕТАМАН

Бахтим эди наҳотки тушим,
Осмонларни тешарди муштим.
Қара, энди қай ҳолга тушдим,
Қўйвор мени, Ойга кетаман.

Ишонганим мендан юз бурди,
Севган ёрим дилга тиғ урди.
Шунчалик ҳам пешонам шўрми?
Хиёнат йўқ жойга кетаман.

Мени қайта ўйлатолмайсан,
Йиғлаб кўнглим юмшатолмайсан.
Қўй, барибир тўхтатолмайсан,
Бир бўтана сойга кетаман.

Чақириб кўр мени дон билан,
Бағринга бос қани жон билан.
Юрагимдан оққан қон билан
ўзим қорган лойга кетаман.

Ранжидингми сўзимдан ёмон,
Ҳазил эди ҳаммаси, ишон.
Ўзинг ўйла, ахир, онажон,
Сени ташлаб қайга кетаман.

Аслиддин Норбек Ochish/sharhlash

2021-09-28 10:18:25 ****

Ҳовли супураман.
Чангни артаман.
Бой бераман ҳайратларимни.
Ўчоққа ўтин қилиб ёқаман
кеча қучган дарахтларимни.

Дилрабо МИНГБОЕВА Ochish/sharhlash