2022-01-14 17:00:02
#book_review #китобхон_фикри
Олим етиштирган оналар..
Номини қайтадан ўқинг! Номининг ўзи ҳам жуда гўзал! Шундай эмасми?! Сизни, мени ва барча аёлларни Роббим олим етиштирган оналар қаторида қилсин!
Бир аччиқ ҳақиқатни сизларга айтадиган бўлсам: Биз аёллар фарзанд дунёга келтиришимиз – бу ҳали Оналик мақомини олдик, дегани эмас. «Шунча машаққатлар ила дунёга келтирдим ахир, нега бу номга лойиқ эмас эканман», десак адашамиз! Ҳақиқий машаққат бундан кейингиларидир, яъни фарзандимизни тарбиялашда: Аллоҳга суюкли ва содиқ банда, Расулуллоҳ (соллаллоҳу алайҳи васаллам) уммати номига лойиқ инсон, ҳақ динда, яъни Ислом динида фақиҳ, ҳофизи Қуръон бўлиши йўлида Аллоҳ қодир қилганча ҳаракат қилишимиз – мана шудир ҳақиқий машаққат ва ҳақиқий Оналик. Бундай натижани фарзандларимизда кўрмагунча ҳаракатдан тўхтамасликдир асл Оналик. Бу улуғ сўзга лойиқ бўлишимиз фарзандимизни 9 ой вужудимизда кўтариб, сўнг дунёга келтиришимиз билан ўлчанмайди. Буни асло унутмайлик! Биз фақат Она деган номни олишимиз эмас, айнан шу номга муносиб бўлишимиз ҳам керак! Бу номга муносиб бўла оламизми-йўқми – буни катта эҳтимол билан фарзандимизга берган тарбиямиз орқали англаб етамиз..
Китобга келсак, у айнан биз аёллар ўрнак, намуна ва ибрат олишимиз керак бўлган Оналар ҳақида ёзилган. Маълумотлар қисқа-қисқа берилгани билан, энг кераклилари биз учун саралаб, танлаб олинган. Китобни албатта ўқинг, ибрат олинг, ва ҳаракат қилинг. Ўзингиз олима бўлмагунингизча фарзандингиз қаердан ҳам олим бўлсин?! Тарбияни аввал ўзингиздан бошланг. Китоб сизга айнан мана шу нарсаларни ўргатади..
dia_ibrgmva
4.9K views14:00