2023-01-11 20:02:16
....... UNUTMAYSANA .......
21-QISM
---Qizingiz o'ziga keldi. Lekin hozir hech narsani eslolmaydi. O'shanda sizga aytgan edim bu yog'iga hammasiga tayyor turing deb... Mayli hali o'tib ketadi.
---Qizimni xotirasi qaytadimi?
---Agar xohlasa, o'zi harakat qilsa qaytadi. Lekin ko'p harakat qilaverish ham uning zarariga tegadi. Shuning uchun ehtiyot bo'lish kerak.
---Rahmat doktor. Mayli men boray.
---Xayr.
Dinara palatada o'z karavotida oyog'ini quchoqlagancha bir burchakka tikilib turardi. "Menga nima bo'ldi. Nega u xotin o'zini mening oyim deb tanishtirdi. Anavi oldidagi qiz kim edi? Nahotki hammasi rost bo'lsa?.. Nima bo'lsa bo'ldi. Endi shu hayot bilan yashayman. Balki o'shanda hammasi iziga tushar".
Xonaga Sanobar opa kirib keldi. Dinara jilmayishga harakat qildi.
---O'zingga keldingmi qizim?
---Keling oyi.- Sanobar opaning ko'zidan yosh chiqib ketdi.
---Meni esladingmi qizim?
---Hozircha yo'q.- jilmaydi Dinara,- lekin sizning yuzingizdan mening onamligingiz sezilyapti.- shu paytda xonaga Sevara kirib keldi.
---Voy Dinar, nima bo'ldi? Endi hammasi joyiga tushdimi?- Dinara yerga qaradi.
---Hozircha yo'q. Lekin sizlarni albatta eslayman. Axir sizlar doim yonimda bo'lgansizlar. Shundaymi?
---To'ppa-to'g'ri. Bo'ldi, endi yig'ini bas qilamiz. Xudo xohlasa hammasi yaxshi bo'ladi... Xolajon, qarab yubormaysizmi?
---Tinchlikmi qizim.
---Xolajon, mening gaplarimni diqqat bilan eshiting iltimos. Bu qizingiz uchun muhim. U...
Sevara Dinaraning Davron bilan munosabatini, uning Rossiyaga ketib, qaytayotganda samalyoti halokatga uchraganini va undan keyin Dinara juda tushkunlikka tushib qolganini, hammasini aytib berdi.
---Voy sho'rim. Qizginam, shunchalik azoblarni o'zing ko'tardingmi? Men nodon onangni kechir. Senga dalda berishim kerak edi. Hammasiga men aybdorman.
Sevara Sanobar opani tinchlantirdi.
---Hammasi yaxshi bo'ladi xolajon. Dinara hali o'z holiga qaytadi. Faqat Davron haqidagi xotiralar unga yomon ta'sir qiladi deb qo'rqaman. Shuning uchun o'zi eslamaginicha aytmay turaylik degandim.
---Mayli qizim, mayli. Aytmayman. Qizimga yaxshi bo'lsa bo'ldi. U uchun hammasiga tayyorman.
---Bo'pti xolajon. Siz uyga bora qoling. Dinaraga men o'zim qarayman.
---Xo'p.- Sanobar opa uyga ketdi. Sevara esa dugonasi bilan xonada yolg'iz qoldi...
Davomi bor...
37 views Armonli_Yigit , 17:02