10654. Аллоҳ таоло Мусо алайҳиссаломга берган тўққиз оят, мўъжизалар нима эди?
“Батаҳқиқ, Мусога тўққизта очиқ-ойдин оят (мўъжиза) бердик”, Исро сураси, 101-оят.
Тўққиз мўъжиза–
1. Асо. Асо аждарга айланар эди. Аждар сеҳргарларнинг уйдирмаларини ютиб бўлганидан уни қўлга олсалар, яна асога айланди.
2. Қўл. Мусо алайҳиссалом буғдойранг киши эдилар. Фиръавн мўъжиза кўрсатишни талаб қилганда қўлларини қўлтиқларидан чиқарган заҳоти оппоқ тусда намоён бўлган ва кўринганда ҳам, барчанинг ҳавасини келтирадиган даражада чиройли бўлиб кўринган эди.
3. Тўфон. Аллоҳ таоло уларнинг устига тўфон–кўп ёмғир юборган. Экин-тикинлар талафот етган, сувда ғарқ бўлган.
4. Чигиртка. Уларнинг экинлари ва ҳосилларини еб юборган, завол қилган.
5. Бит. Аллоҳ уларга (доннинг ўзидан чиқадиган қурт) митани юборган.
6. Бақалар.
7. Қон. Аллоҳ уларга қон балосини юборди. Анҳорлардан, қудуқлардан сув олсалар, янги қон чиқар эди.
8. Очарчилик йиллари.
9. Меваларнинг камчил бўлиши.
@arabicuz
