АОКА масъул ходимлари учун ўқув семинари ўтказилди
Бугун Агентликда "E-LINE PRESS" МЧЖнинг сўровига биноан АОКА масъул ходимлари учун ихтисослаштирилган ўқув машғулоти ўтказилди.
Машғулотда "pressreader.com" платформаси орқали 2023/2024 йилларда PRESS READER даврий нашрлар маълумотлар базасидан фойдаланиш, платформанинг янгиланган имкониятлари ва афзалликлари, платформа ресурслари билан ишлаш тартиби ҳақида маълумот берилди.
Маълумот учун: PRESS READER –
газета ва журналларнинг электрон киоскаси бўлиб, у ижтимоий-сиёсий мавзулардаги 7000 дан ортиқ нашрлардан кенгайтирилган қидирув имконини беради. Платформа 130 дан зиёд давлатнинг 50 дан ортиқ тилдаги нашрларини ўзида жамлаган.
Тренинг орқали нашриёт ва полиграфия, шунингдек матбаа, ахборот-кутубхоналарда илмий йўналишида фаолият юритувчи мутахассислар даврий нашрлар билан ишлашда, шунингдек, илмий мавзулар қамровини оширишда улардан фойдаланиш бўйича мавжуд имкониятлар ҳақида кенг маълумотга эга бўлишди.
Telegram
| Youtube
| Facebook
| Instagram
| Медиабанк
| Сайт
