Журналист ва блогерлар ўртасида танлов Жамиятда ўқитувчиларга | AOKA - Rasmiy kanali
Журналист ва блогерлар ўртасида танлов
Жамиятда ўқитувчиларга бўлган ҳурмат-эътиборни янада ошириш, ота-оналар ҳамда ўқувчи ёшлар ўртасида таълим-тарбиянинг аҳамиятини кенг тарғиб этиш мақсадидаХалқ таълими вазирлиги танлов эълон қилди.
Танлов қуйидаги номинациялар бўйича ўтказилади:
энг яхши босма ОАВ журналисти; энг яхши интернет нашр журналисти; энг яхши теле-журналист; энг яхши радио-журналисти; энг яхши фотосуратчи; энг яхши блогер; энг яхши видеолавҳа.
Ғолиблар қуйидаги мезонлар асосида аниқланади:
Чуқур маъноли, яхши тадқиқ этилган, мазмундор материал; Мисоллар ва ишонарли фактларга асосланган материал; Ғояси аниқ ифодаланган материал; Креатив ёндашув; Ёритишдаги маҳорат; Мавзунинг долзарблиги; Материални тақдим этиш шаклларининг янгилиги ва ўзига хослиги; Ижтимоий тармоқлар ёҳуд ОАВ орқали оммалашгани.
Танловда қатнашиш истагидаги бўлганлар ўз ишларини @tanlov_xtvbot манзилига юбориши лозим.
Ижодий ишлар 2021 йилнинг 13 мартидан 1 июнигача бўлган даврда тақдим этилиши ва шу давр оралиғида эълон қилинган бўлиши шарт.
Танлов ғолиблари 27 июнь — Матбуот ва оммавий ахборот воситалари ходимлари куни байрами арафасида эълон қилинади ҳамда қимматбаҳо совғалар билан тақдирланади.