Davlat xizmatlari agentligi Andijon viloyati boshqarmasi (rasmiy kanal)

2021-02-09 16:52:20 Избоскан туман Давлат хизматлари маркази ходимлари томонидан туман Ахборот ресурс маркази китоб фонди учун 10 нусхадаги Алишер Навоий асарлари топширилди.
"NAVOIYNI HAR KIM, HAR KUNI O`QISHI KERAK!"
Каналга уланиш
https://t.me/andijondavlatxizmat
#DXA_Andijon #DXA_mahalla #DXA_hamkorlik #DXA_markaz #dxa_lotin #navoiyiftixorim Ochish/sharhlash

2021-02-09 16:48:38 ДАВЛАТ ХИЗМАТЛАРИ МАРКАЗИ ХОДИМЛАРИ ЎҚУВЧИЛАРГА КИТОБ СОВҒА ҚИЛДИЛАР

Андижон туманидаги корхона, ташкилот ва муассасаларда улуғ мутафаккир Алишер Навоий таваллудининг 580 йиллиги бағишланган турли тадбирлар бўлиб ўтди.

Туман Давлат хизматлари маркази ходимлари “Навоийнинг китобхон издошлари” акциясини ўтказдилар. Тадбирда ўқувчилар билан Алишер Навоий ҳаёти ва ижоди ҳақида суҳбатлашдилар. Сўнг шахсий кутубхоналаридан ўқувчиларнинг ёшини инобатга олган ҳолда ўзбек ва жаҳон адабиётининг энг нодир асарларини совға қилдилар.
-Бугунги кунда ўқувчиларда китоб ўқишга иштиёқ уйғотиш мақсадида марказ ходимлари бу каби акцияларни ўтказиб турамиз. Чунки боланинг ўқишга меҳр қўйиши, унинг шахс сифатида ривожланиши ва кейинчалик ҳаётда ўз ўрнини топишида китобнинг ўрни беқиёс, - деди марказ бўлим бошлиғи Аҳмаджон Юнусов.
"NAVOIYNI HAR KIM, HAR KUNI O`QISHI KERAK!"
Каналга уланиш
https://t.me/andijondavlatxizmat
#DXA_Andijon #DXA_mahalla #DXA_hamkorlik #DXA_markaz #dxa_lotin #navoiyiftixorim Ochish/sharhlash

2021-02-09 11:00:04 #Биласизми?
Алишер Навоий нафақат ўзбек, балки форс-тожик тилида ҳам Фоний тахаллуси билан баракали ижод қилган забардаст зуллисонайн шоир ҳисобланади.
Форс-тожик тилини унинг иккинчи она тили дейиш мумкин. Чунки у улуғ форс-тожик сўз санъаткорлари таъсирида форсий тилда ҳам қалам тебратди ва бир умр бу машғулотни канда қилмади. «Хазойин ул-маоний» («Чор девон») девонлар туркумини тузиб бўлгач, форс-тожик тилидаги ижод намуналарини ҳам тўплаб, «Девони Фоний»ни тартиб беради.

ФОНИЙ: Бўлмаса

Бўлса бир оламки, унда аҳли олам бўлмаса,
Аҳли оламнинг жафою жабридан ғам бўлмаса.

Ҳеч асирлар ашкидан ўлим тўфони кундузи,
Ҳеч ғариблар оҳидан тунларда мотам бўлмаса.

Ҳеч фалак бедодидан диллараро минг бир алам,
Ҳеч ситам шамширидан минг бир яра ҳам бўлмаса.

Ҳеч парилар аҳлидан ноодамийлик шеваси,
Ҳеч кишида аждаҳо феъли мужассам бўлмаса.

Бу ҳавас рўёбга чиқсин, эй кўнгил, майхона бор,
Унда йўқ бир кўҳна сополки, Жоми Жам бўлмаса.

Қуй қизил майни, сафосидан бу феруза фалак,
Остин-устун бўлса-да, соз ишратинг кам бўлмаса.

У фалакнинг жоми бўлса-да, симир охиргача,
Яхши дўзахнинг тубидек остида нам бўлмаса.

Хотирингдан яхшию ёмон ғами бўлса унут,
Кошки ғам ҳатто тасаввурингда бир дам бўлмаса.

Олам аҳволини ўйлаб, чекма ғам Фоний сира,
Бир муаммо йўқки, ақл аҳлига мубҳам бўлмаса.
"NAVOIYNI HAR KIM, HAR KUNI O`QISHI KERAK!"
Каналга уланиш
https://t.me/andijondavlatxizmat
#DXA_Andijon #DXA_mahalla #DXA_hamkorlik #DXA_markaz #dxa_lotin #navoiyiftixorim Ochish/sharhlash

2021-02-09 09:00:03 Алишер Навоий. Ўн сакиз минг олам ошуби агар бошиндадур (видео)

Ўн сакиз минг олам ошуби агар бошиндадур,
Не ажаб, чун сарвинозим ўн сакиз ёшиндадур.

Деса бўлғайким, яна ҳам ўн сакиз йил ҳусни бор,
Ўн сакиз ёшинда мунча фитнаким бошиндадур.

Ўн сакиз йил дема, юз саксон йил ўлса, улдурур
Ҳусн шоҳи, ул балоларким кўзу қошиндадур.

Ҳайрат этмон ҳусни нақшидаки, ҳар ҳайратки бор,
Барчаси эзид таоло сунъ наққошиндадур.

Тан анга сийму ичинда тош музмар кўнглидин,
Ақлға юз ҳайрат ул ойнинг ичу тошиндадур.

Май кетур, эй муғки, юз ҳайрат аро қолмиш
Масиҳ, Бул-ажабларким, бу эски дайр хуффошиндадур.

То Навоий тўкти ул ой фурқатидин баҳри ашк,
Ҳар қачон боқсанг, қуёш акси анинг ёшиндадур.

"NAVOIYNI HAR KIM, HAR KUNI O`QISHI KERAK!"
Каналга уланиш
https://t.me/andijondavlatxizmat
#DXA_Andijon #DXA_mahalla #DXA_hamkorlik #DXA_markaz #dxa_lotin #navoiyiftixorim Ochish/sharhlash