Ким кўрубтур, эй кўнгул, аҳли жаҳондин яхшилиғ, Кимки ондин ях | Davlat xizmatlari agentligi Andijon viloyati boshqarmasi (rasmiy kanal)

Ким кўрубтур, эй кўнгул, аҳли жаҳондин яхшилиғ,
Кимки ондин яхши йўқ, кўз тутма ондин яхшилиғ.

Бу замонни нафъи қилсам айб қилма, эй рафиқ,
Кўрмадим ҳаргиз, нетайин, бу замондин яхшилиғ.

Дилраболардин ёмонлиқ келди маҳзун кўнглума,
Келмади жонимға ҳеч ороми жондин яхшилиғ.

Эй кўнгул, чун яхшидин кўрдунг ёмонлиғ асру кўп,
Эмди кўз тутмоқ не яъни ҳар ёмондин яхшилиғ.

Бори элга яхҳшилиғ қилғилки, мундин яхши йўқ
Ким, дегайлар даҳр аро қолди фалондин яхшилиғ.

Яхшилиғ аҳли жаҳонда истама Бобур киби,
Ким кўрубтур, эй кўнгул, аҳли жаҳондин яхшилиғ.
Каналга уланиш
https://t.me/andijondavlatxizmat
#DXA_Andijon #DXA_mahalla #DXA_hamkorlik #DXA_markaz #dxa_lotin #boburiftixorimiz #Bobur_day