Кеча “Янги Ўзбекистон: тараққиёт, инновация ва маърифат” мавзусидаги халқаро ҳафталик ҳақида ёзган эдим. Бу сафар тадбирда Ўзбекистондаги ҳаво транспорти муҳокама қилинибди. Яқиндагина маҳаллий аэропортда таблода фақат Ўзбекистон ҳаво йўллари эмас, Centrum Air ва Silk Avia ҳам турганини кўриб хурсанд бўлган эдим.
Тадбирда охирги йиллар жами 19 та самолёт харид қилингани ва миллий парк 37 тага етказилгани айтилган, рейслар сони 123% га, йўловчилар сони 156% ошган. Тадбирда Uzbekistan Airports келгусида Қирғизистон орқали Хитойга янги авиарейслар қўйишини эълон қилди.
Тадбирда Қирғизистон, Туркманистон, Озарбайжон, Грузия, Туркия билан халқаро мультимодал транспорт йўналишини ривожлантириш учун Битим имзоланибди.
Эсингизда бўлса 5-6 йил олдин Россия ва Қозоғистонликлар 1000 доллардан арзонга Туркия, Тайланд, Дубай ёки Мисрга бориб дам олиб келишини ҳавас билан айтардик. Энди ўзимизда ҳам бу имкон бор. Бу бўлса авиация соҳасидаги ўзгаришларсиз имконсиз эди.
@allaevuzb
