Cунъий интеллект ҳақида бир йил олдинги иккинчи пост: Электро | Allaev Uz (16 )

Cунъий интеллект ҳақида бир йил олдинги иккинчи пост:

Электрон почтага сунъий интеллект бугунги касбларни ўрнини эгаллаши ҳақидаги постимга эътирозлар келди. Лекин, сиз эътироз билдирганингиз билан реаллик ўзгариб қолмайди. Сунъий интеллект келажакда эмас, бугун инсонни бир нечта жойда алиштириб бўлди.

Мисоллар:

1. АҚШда Amazon нинг озиқ овқат сотадиган супермаркетларида кассирлар йўқ. Жараённи тўлиқ камералар орқали сунъий интеллект бошқаради. Мижоз полкадан бир нарсани олганда, грамидан ва жойидан келиб чиқиб дастур нархини баҳолайди, камера мижозни танийди ва мижоз супермаркетдан чиққанда автоматик тарзда ҳисобидан пул ечилади.

2. Стэнфорд университетида рентген расмларидан пневмонияни аниқлайдиган дастур ишлаб чиқилган. Дастур пневмонияни рентгенологдан яхшироқ аниқлаб беради.

3. Tencent компанияси яратган DreamWriter дастури маълумотлар базаси асосида спорт ва молия мавзуларида бир кунда 2000та мақола чиқаради.

4. Банк ва юридик соҳада инсон фактори керак бўлмаган аксар ишлар алгоритмларга топширилмоқда. Бу бошловчи юрист ва банкирларга муаммо яратяпти. Масалан, мижозга кредит бериш ёки бермасликни унинг молиявий тарихи, даромади, харажатлари асосида сунъий интеллект ҳал қиляпти.

5. Бугун мусиқа тинглаш учун дисклар сотиб олмаяпсиз. Яндекс Музика, Apple Music ёки Spotify сизни дидингизга мос плейлистни сунъий интеллект ёрдамида шакллантиряпти. Youtube, Google, Tik-Tok, Netflix алгоритмларини ҳам бир ўйлаб кўринг.


Бу реаллик ва сиз рад этганингиз билан сиз унда яшаяпсиз.


Айтганча, дам олиш кунига қайси чойхона бўшлигию, қайси чойхонада қайси ош яхшилигини ҳам яқин йилларда сизга сунъий интеллект айтади.

Ёқимли иштаха!