Қачон бренд ишлайди? Жуда кўпчилик бренд ўзи нима у қачон иш | Allaev Uz (16 )

Қачон бренд ишлайди?

Жуда кўпчилик бренд ўзи нима у қачон иш беради деган саволларни сўрашади. Бренд бу сизнинг инсонларга берган ваъдангиз, дейлик, сиз бир инсонга қайсидир маҳсулот ёки сервис учун ваъда бердингиз, лекин унга кутганидан кўпроқ бердингиз. Мижоз сиздан 10 йиллик кафолатни кутган, сиз ҳам унга 10 йиллик кафолат бердингиз, лекин маҳсулот мижозга 15 йил хизмат қилди.

Бунда сиз мижозга кутганидан ортиқ натижани бердингиз, мана шунда брендга нисбатан ишонч пайдо бўлади. Мижоз бошқа одамларга бренд ҳақида ўзи айтишни бошлайди. Сиз унга айт ёки айтма деб гапирмайсиз, мижоз ўз ташаббуси билан бу ишни қилишни бошлайди.

Бунда бренд мижозга маҳсулот ёки хизматни сотибгина қолмайди, балки унга ҳиссиёт беради, инсон кутганидан озгина кўпроғини олса, бренд механизми ишга тушиб кетади.

Ана энди бренд иш беришни бошлайди. “Profi University” Навоий филиалида брендимиз иш беришни бошлади деб ўйлайман. Мана бу видеодаги йигитлар университетимизда таҳсил олишади, биз улардан видео қил, биз ҳақимизда видео ол деб бир оғиз ҳам айтмаганмиз, видео олиши учун бир сўм пул ҳам бермаганмиз.

Шунчаки улар кутганидан озгина кўпроғини бердик. Барчангизга раҳмат, азизлар.

@bektoshkhatamov