AL-AMIN.UZ

2022-08-29 14:08:56 ИБРАТЛИ РИВОЯТ

(тафаккур қил)

Бир камбағал бечора йўлда кетаётса, олдидан бир ҳамён чиқибди. Ичини очиб қараса, бир тийин танга бор экан, камбағал ота-онам анчадан бери сут ичмаганди, бу пулга уларга сут олиб бораман, деб ўйлаб турган экан, ҳамён оғирлашибди..

Ичини очиб қараса, ҳамёнда ўн танга турганмиш .
Камбағал: «Ё, Худо, қудратингдан!» деб ҳайрон қолибдида, ундан кўра бу пулга битта сигир оламан, шунда ота-онам, фарзандларим ҳам ҳар куни тонгда сут ичадиган бўлишади, деб ўйлаган экан ҳамён яна оғирлашибди ....

Бу сафар уни ичида анчагина пул турган экан, камбағал ўтган қиш ота-онам совуқ хонада роса қийналишганди, энди бу пулга уйни таъмирлайман деганди, ҳамён янаям оғирлашибди....

Ўшанда камбағал, хотиним анчадан бери бу уйда яшамайман , деб айтаётганди, ундан кўра, эски уйни ота онамга қолдириб , янги уй олиб кўчиб кетамиз , деб ўйлаган экан, ҳамён аввалги холатига қайтиб қолибди!

Яъни , ичидаги ҳамма пул йўқолиб, ўша бир тийин қолибди...

https://t.me/al_aminuz Ochish/sharhlash

2022-08-29 11:10:38 Пешин олди суҳбатлар.

Абдурахмон домла.


Истиқлол улуғ неъмат.


https://t.me/al_aminuz Ochish/sharhlash

2022-08-29 05:51:17 ​ РАСУЛУЛЛОҲ ЯХШИЛИК ОЙИ ДЕБ НОМЛАГАН ОЙ МУБОРАК БЎЛСИН!


Сафар ойи ҳижрий-қамарий тақвим бўйича йилнинг иккинчи ойидир. Исломдан аввалги жоҳилият даврида “Бу ойда фалон ишни қилиб бўлмайди, фалон иш мумкин эмас” каби шумланишлар урф бўлган. Ҳатто бирор ишга киришишдан олдин қуш учириб кўришарди. Қуш ўнг томонга учса, яхшиликка йўйиб, ишга киришишар, чап томонга учса, бу ишда яхшилик йўқ экан, деб тарк этишар, борди-ю тўғрига учса, қайтадан учириб кўришар эди.

Афсуски, ҳозир ҳам “сафар ойида иш бошлаш, тўй қилиш, сафарга чиқиш хосиятсиз” деган гаплар бот-бот қулоққа чалиниб туради. Бу гапларнинг ҳеч қандай асоси йўқ. У ойда ўқиладиган намоз, дуо ва бошқа эзгу амаллар бошқа ойлардагидек қабул бўлади. Сафар ойида ҳам тўй ва маросимлар қилиш, сафар қилиш мумкин.

Тақдирга имон келтириш динимизнинг асосларидан биридир. Инсон бошига тушадиган барча яхшилик ва ёмонликларни тақдирдан деб билиши керак. Аллоҳ таоло бундай марҳамат қилади: “(Инсонга) бирор мусибат етган бўлса, албатта, Аллоҳнинг изни (иродаси) билангина (етур). Кимки Аллоҳга имон келтирса, (У) унинг қалбини тўғри йўлга ҳидоят қилур. Аллоҳ ҳар нарсани билувчидир”

(Тағобун сураси, 11-оят).

Севикли Пайғамбаримиз соллаллоҳу алайҳи васаллам Мадина шаҳридаги масжидларини сафар ойида қурганлар. Қизлари Фотимаи Заҳро розияллоҳу анҳони Ҳазрат Али розияллоҳу анҳуга сафар ойида никоҳлаганлар. Айнан шу ойда сафарга чиқиб, Хайбар қалъасини фатҳ қилганлар. Бу ойга “яхшилик ойи” деб ном берганлар.

Демак, инсон ҳар бир нарсани Аллоҳ таолодан деб билиши керак. Ҳақ таоло ақидамизни мустаҳкам қилсин.

Даврон НУРМУҲАММАД Ochish/sharhlash

2022-08-28 22:48:05 САФАР ОЙИ ДУОСИ

اَللّهُمَّ فَرِّجْنَا بِدُخوُلِ الصَّفَرِ وََاخْتِمْ لَنَا بِالْخَيْرِ وَ الظَّفَرِ

«Аллаҳумма фаррижна би-духули-с-софари ва-хтим лана би-л-хойри ва-з-зофари».

Эй Аллоҳим! Сафар ойи киришлиги билан бизга хурсандчилик бергин, ва уни яхшилик ва зафар билан якун топтиргин!

Эй бизларни йўқдан бор қилган улуғ Роббимиз!
Қалбларимизни Ўзингга, сўнгра намозга, сўнгра Қуръонга, сўнгра зикрга боғла…
Бизни муваффақиятсизлик сўқмоқларидан узоқ қил.То Ўзингга йўлиққунимизча бизга собитқадамлик насиб қил!

ЯНГИ ОЙ МУБОРАК, АЗИЗЛАР!


https://t.me/al_aminuz Ochish/sharhlash

2022-08-28 22:09:17 Ассалому алайкум ва раҳматуллоҳи ва барoкaтуҳ!

САФАР ОЙИ МУБОРАК!

Бугун душанба
29 - август, 2022
1 - Сафар , 1444

Аллоҳ таоло Сафар ойини барчамиз учун хайрли ва баракали қилсин!

... ...

https://t.me/al_aminuz Ochish/sharhlash

2022-08-28 21:54:04 #Тилак

Эй бизларни йўқдан бор қилган улуғ Роббимиз!
Қалбларимизни Ўзингга, сўнгра намозга, сўнгра Қуръонга, сўнгра зикрга боғла…
Бизни муваффақиятсизлик сўқмоқларидан узоқ қил.То Ўзингга йўлиққунимизча бизга собитқадамлик насиб қил!

https://t.me/al_aminuz Ochish/sharhlash

2022-08-28 17:27:51 Шом азони. Масжидимиз кундан-кун обод бўлиб, таъмирлаш ишларимиз охирлаб бормоқда.

Масжидларни Аллоҳга ва охират кунига иймон келтирганлар обод қилурлар.

https://t.me/al_aminuz Ochish/sharhlash

2022-08-27 20:30:10 Умар ибн Хаттоб розияллоҳу анҳу айтдилар:

Уч нарса хусусида ўй-фикрга чўмма:

1. Камбағаллик хусусида ўйлама, чунки ғаминг кўпайиб кетади. Ғам ғусса эса очкўзликни зиёда қилади.

2. Сенга зулм қилган киши ҳақида ҳам ўйлама, чунки қалбинг ғазабга тўлиб, адоватинг кучайиб, қахр ғазабинг бардавомликка юз тутади.

3. Дунёда узоқ қолиш ҳақида ҳам ўйлама, чунки мол дунё йиғишга қизиқиб, умрни зое қиласан ва амал қилишни ортга сурасан.

https://t.me/al_aminuz Ochish/sharhlash

2022-08-27 18:10:01 Абдуллоҳ ибн Шаддод ўғлига шундай васият қилган экан:

"Эй ўғлим!

Ҳаммма ширин нарсаларни татиб кўрдим. Аммо тинчлик-хотиржамликдан кўра ширинроқ нарсани топмадим.

Ҳамма аччиқ нарсаларни ҳам татиб кўрдим. Лекин одамларга муҳтож бўлишдан кўра аччиқроқ нарсани топмадим.

Темир борми, харсанг борми, кўтариб-кўчириб кўрдим. Бироқ қарздан кўра оғирроқ юкни топмадим".

https://t.me/al_aminuz Ochish/sharhlash

2022-08-27 16:44:44 ЖАННАТНИНГ ЭНГ АФЗАЛ АЁЛЛАРИ

CАВОЛ: Эшитишимча, тўртта аёл мукаммал аёл дейилган экан. Ўша аёллар ким?

ЖАВОБ: Бисмиллаҳир Роҳманир Роҳим.
Абдуллоҳ ибн Аббос разияллоҳу анҳудан ривоят қилинган ҳадиси шарифда Расулуллоҳ саллаллоҳу алайҳи васаллам: «Жаннатнинг энг афзал аёллари — Хадича бинти Ҳувайлид, Фотима бинти Муҳаммад, Марям бинти Имрон ва Фиръавннинг аёли Осиё бинти Мазоҳимдир» , – деганлар

(Имом Аҳмад ривоятлари).

Ўзбекистон мусулмонлари идораси
Фатво ҳайъати. Ochish/sharhlash