17-май, куннинг иккинчи ярми ҳам учрашув ва музокараларга бой | Агро хаёт
17-май, куннинг иккинчи ярми ҳам учрашув ва музокараларга бой бўлди.
“Хунан Жумен Биотечнологиес” компанияси директори Ли Тао билан учрашилди. Компания асосан минерал ўғитлар ишлаб чиқаради ва қатор йўналишларда фаолият олиб боради. Ўзининг ерлари билан бирга ишлаб чиқариш қувватлари мавжуд. Мижозлари етарли, аммо бизнинг бозорга қизиқиши катта. Маҳсулотлари сифатли. Масалан, биоўғитлари ишлатилса, ҳосилдорликни ўртача 40 фоизга кўтариш мумкин экан. Чўл ва чўлланиш ҳудудларида ишлаш бўйича катта тажрибага эга.
Шоли ва пахта экиш бўйича таклиф билдирилди. Мазкур таклифларни мамлакатимиз ҳудудларида тажриба-синов тариқасида бошлаш режалаштирилган. Шолининг бу ерда гектаридан 15-18 тонна ҳосил берувчи навлари бор экан. Ёмон натижа эмас. Айниқса, паловни севувчи ҳамюртларимиз учун бу жуда яхши имконият. Гуруч бозорига эркин таклиф кўпаяди. Пахта бўйича ҳам қатор таклифлар берилди.
Юқоридагиларнинг барчаси бўйича келишувга эришилди. Меморандум имзоланди, бу борада иш бошланди.
