Сурхондарёда ғўза одатдагидан 15-20 кун эрта гуллади
Ангор туманидаги
“Замин Ангор” кластери экин майдонларида парваришланаётган ингичка толали ғўза нави шоналаб, бирин-кетин гулламоқда. Бу баракадан, мўл ҳосил нишонадир.
Айтиш жоизки, бу йил Сурхондарё вилоятида 16 минг гектарга ингичка толали ғўзанинг “Термиз-202” нави экилган. Шундан 4,1 минг гектари Ангор тумани улушига тўғри келади.
Қувонарли томони шундаки, одатда июнь ойи бошларида гуллайдиган ушбу нав бу гал эрта гуллади. Мутахассисларнинг фикрича, жорий мавсумда ҳаво ҳароратининг нисбатан иссиқ келаётгани, энг асосийси, кластер томонидан ғўза парваришига алоҳида эътибор қаратилиб, агротехника тадбирлари ўз вақтида ўтказилаётгани туфайли ана шундай ижобий натижага эришилди.
Дарҳақиқат, “Замин Ангор” кластерининг М.Азизов ҳудудида экилган ингичка толали ғўза одатдагидан 15-20 кун эрта гулламоқда.
https://t.me/agro_hayot
