Айни кунларда олтиариқлик миришкорлар яна бир янгилик билан эътирофга эришиш арафасида турибдилар. Бу ҳам бўлса, 20 кунлардан кейин "Ризамат ота" навли узум пишишидир.
Қишлоқ хўжалиги вазирининг ишчи ташрифи доирасида Олтиариқ туманида жойлашган тадбиркор хонадонида бўлинди. Бу ерда деҳқон учун имкониятлар яратилса ва моддий манфаатдорлик таъминланса, қандай ижобий натижаларга эришилиши мумкинлигининг яққол намунаси ўзини кўрсатди.
Ўлкамизда "узум пишиғи" деганда ёзнинг оёқлаб қолган даври кўз олдимизга келади. Аммо, янгича услуб ва усулда ток кўчатини парвариш қилаётган боғбон, ўз меҳнати, маҳорати билан ёзнинг охири, кузнинг бошини кутмай, июн ойига узум етиштиришни ва халқимиз дастурхонига тортиқ қилишни мақсад қилган. Қолаверса, эришиладиган ҳосил ички бозорни қондирибгина қолмай, экспортга чиқаришни ҳам таъминлайди.
Хуллас, даставвал ўзимиз татиб кўрамиз, сўнг жаҳонга улашамиз. Демак, яқин кунларда яхши янгилик сизга эълон қилинади.
Булар ҳақида батафсил бу ерда ўқишингиз мумкин.
