2022-08-05 08:03:23
АЛО, ОНА
Соғинч ёмон, қўймас омон,
Боролмайман ишдан ортиб.
Эрта, дебон, индин, дебон,
Вақт умримиз олар тортиб.
Юрагингиз оҳи менман,
Кўнглингизнинг доғи менман,
Кундузимни қаро қилган,
Сочингизнинг оқи менман.
Ало, она, онажоним,
Соғинчингиз ўтди жондан,
Лек, бормоққа йўқ имконим,
Куюнманг, мен нотовондан.
Ало, она, жоним онам,
Юрибман тоғ, дея қирни,
Ало, она, жоним онам,
Кечиринг, мен бемеҳрни.
Парвонаман сал “йилт” этиб,
Қайлардадир нур порласа.
Боргайдирман дарров етиб,
Олислардан ёр чорласа.
Сиз кўнасиз шу – боримга,
Қувончингиз аритдим мен.
Муштоқ айлаб дийдоримга,
Она, сизни қаритдим мен.
Ало, она, онажоним,
Соғинчингиз ўтди жондан,
Лек, бормоққа йўқ имконим,
Куюнманг, мен нотовондан.
Ботиржон Эргашев
t.me/Adabiyot_olami
t.me/Abduvohid_Suvonov
3.1K views𝗔𝗯𝗱𝘂𝘃𝗼𝗵𝗶𝗱 𝗦𝘂𝘃𝗼𝗻𝗼𝘃, edited 05:03
𝗔
