2021-08-20 21:23:05
#Tezkor
Mandat natijalari 31-avgustga qadar eʼlon qilinishi mumkin
Tana harorati yuqori boʻlgan va koronavirusga chalingan abituriyentlar uchun qoʻshimcha test sinovlari 2021-yil 23-avgust kuni boʻlib oʻtadi. Bu haqda DTM maʼlum qildi.
Demak, test sinovlarining oxirgi kuni 23-avgust hisoblanadi.
Bundan xulosa qilishimiz mumkinki, tegishli nizomga koʻra, test sinovlarini o‘tkazish jarayoni to‘liq yakunlanganidan keyin BIR HAFTA MUDDAT ICHIDA (+7 kun) yani 31-avgustga qadar mandat natijalari eʼlon qilinishi kerak. ( Pastda rasmga qarang)
Qoʻshimcha test sinovlarida quyidagi toifadagi abituriyentlar ishtirok etishlari mumkin boʻladi:
test sinoviga kelgan vaqtda tana harorati 37º C dan yuqori ekanligi aniqlangan va dalolatnoma rasmiylashtirilgan abituriyentlar (ularning soni 110 nafar);
16-avgustga qadar koronavirusga chalinganligi sababli qoʻshimcha test sinovlarida ishtirok etish uchun ariza bilan murojaat qilgan va Sanitariya-epidemiologik osoyishtalik va jamoat salomatligi xizmati tomonidan koronavirusga chalinganligi tasdiqlangan abituriyentlar (ularning soni 1200 nafardan ziyod, lekin hali ular bittalab tekshirib chiqiladi).
Qayta tashkil etilgan test sinovlarida ham tana harorati 37º C dan yuqori ekanligi aniqlangan yoki koronavirusdan toʻliq sogʻaymagan abituriyentlar uchun boshqa test sinovlari tashkil etilmaydi.
Test sinovlari barcha hududlarda tashkil etiladi va abituriyentlar roʻyxatdan oʻtish vaqtida test topshirish hududi sifatida oʻzlari tanlagan hududda test sinovida ishtirok etadi.
Abituriyentlar test sinovida ishtirok etish uchun ruxsatnomani ertadan boshlab my.dtm.uz sayti orqali yuklab olishlari mumkin boʻladi.
@Abituriyentsuz | DTM yangiliklari
https://t.me/joinchat/UBd-QQoTGDLQGLnV
19.1K viewsedited 18:23