Keraklilar

2023-04-14 20:59:22 Vatan! Kimsan? mushfiq onammi- Yo’rgaklagan,ham oq sut bergan, Qadri baland aziz otammi- Farzandin deb kun tun tinmagan. Vatan! Kimsan ? Jonim onammi- Mehribonim, qadrdon inson. G’ururi men bo’lgan otammi- Jur’atimmi,mustahkam qo’rg’on. Vatan! Kimsan? Ilk… Ochish/sharhlash

2023-04-14 20:53:31 Vatan! Kimsan?
mushfiq onammi-
Yo’rgaklagan,ham oq sut bergan,
Qadri baland aziz otammi-
Farzandin deb kun tun tinmagan.

Vatan! Kimsan ?
Jonim onammi-
Mehribonim, qadrdon inson.
G’ururi men bo’lgan otammi-
Jur’atimmi,mustahkam qo’rg’on.

Vatan! Kimsan?
Ilk ustozimmi-
Ilmga ko’p mehr qo’ydirgan.
O’n bir yillik sinfdoshimmi-
Qalbni mehr bilan to’ldirgan.

Vatan! Kimsan?
O’shal ko’chammi-
Bolalikdan har kun changitgan.
Uyimdagi o’sha darchami-
Yomg’irlar-la dardim aritgan.

Vatan! Kimsan?
Sharqshunoslikmi-
Har tong meni o’zga chorlagan.
Muhabbatga to’la yoshlikmi-
Ilm bilan qalbni baxtlagan.

P/s: mana nimaga men vatan mavzusida she’r yozmayman, chunki yozalmayman-da, ilhom kemasa ham majburlab yozsa qiyin Katta bo’lsam, Muhammad Yusuf bo’laman Ochish/sharhlash

2023-04-14 19:33:06 #kitoblarim

The end...

Shayx Muhammadsodiq Muhammadyusuf - ,, Iymon”

Kitobda islom, iymon nima ekanligini izohlangan, Qur’oni Karimdan oyatlar keltirilgan, undagi mo’jizalar, haqiqiy mo’min kishi sifatlari, aslida insoniyat qanday yashashi kerakligi, sunnatning nima ekanligi haqida malumotlar berilgan. Islom naqadar haq din ekanligiga o’qiganingiz sari amin bo’lib boraverasiz, Allohga shukr. Ming martta eshitgandan bir martta o’qigan afzal derdim-u lekin bu kitob bir martta emas qayta-qayta o’qisangiz ham yana manfaatli bo’lib qolaveradi.

P/s: o’qildi, endi hayotga tatbiq qilish qoldi:) ha yana bu kitob islom dinini o’rganmoqchi bo’lganlar uchun birinchi o’qilsa yaxshi bo’ladigan kitob.

*rasm muallifi men emasman:) Ochish/sharhlash

2023-04-14 18:55:22 ,,Iymon” Ochish/sharhlash

2023-04-14 12:05:07 #myself
#xayollarim

Odatda insonlarni ikki xil yuzi bo’ladi: biri tashqaridagilarga ko’rsatadigan, ikkinchisi ko’nglida olib yuradigan.

Men esa uch xil odamman, bir haftadan beri shuni o’ylab yurgandim, ya’ni ichimda uch xil Xurshida bor-u jismimga qaysi biri egalik qilishni bilmayapturgandek.

Birinchisi o’ta asabiy, begonalarni, ayniqsa o’gil bolalarni umuman nazarga ilmaydigan, jahli chiqsa yaqinlaridan alamini olib qo’yib keyin qattiq afsuslanadigan, odamlarga qo’shilgisi kelmasdan uzoqqa ketishni xohlaydigan...

Ikkinchisi atrofga bolalarcha qaraydigan, kursdoshlarini fikricha hali ham yosh bola bo’lgan, ko’p narsaga farosati yetmaydigan, o’ylamasdan haqiqatni, ko’nglidagi hammasini aytib qo’yadigan, ko’chadagilarning fikriga e’tibor qilmasdan bemalol yuradigan, xohlagan qiliqlarini qiladigan, (shu sababli yaqinlarini uyatga qo’yadigan ), agar qiziqish o’lsa hech nimani xohlamay qoladigan...

Uchinchisi atrofga iloji boricha islom nuqtayi nazaridan qarashga iltiladigan, oddiygina arzimas narsaga ham tez xafa bo’ladigan, kursdoshlari uni esi yo’q deb o’ylashlaridan, oila-yu ustozlar, ayniqsa arab tili ustozining bildirgan ishonchini yo’qotishdan qo’rqadigan, ko’chada mayusgina o’ylanib yuradigan, she’r yozaman deganida ilhomi kelmasa ham, vazifalarga ulgurmay qolsa ham, yangi mavzuni tushunmay qolsa ham o’z-o’zidan yig’lab yuboradigan, iloji boricha hech kimni xafa qilmaslikka intiladigan...

Shunchaki jismimga hammasi egalik qilishni xohlaydi, shuning uchun o’ta o’zgaruvchanman dengizga o’xshab, qaysidir vaqt sokin oqadigan, ovozi mayin, vaqti kelsa to’lqinlar bilan kishini jalb qiladigan, vaqti kelsa dovul ko’tarilib hech kimni o’ziga yaqinlashtirgisi kelmaydigan... Ochish/sharhlash

2023-04-13 20:40:50 Kel, jimgina vidolashamiz endi...
Rauf Parfi

Xayr

Davom ettirmoqqa qolmadi sabrim,
Sening ham chidashga kuching yetmaydi.
Ne qilay,o’lmasa chalajon sevgim...
Sendan ayrilmoqqa ko’zim qiymaydi.

Ko’nglimda nafratmi, sevgimi- bilmam,
His qilganim faqat og’riqdir, alhol,
Ishqimni tiriklay qalbga ko’msam ham,
Har tong nish uradi misoli nihol.

Bilmayman ,nelarni his qilding o’zing,
Afsusmi, quvonchmi yoki shunchaki,
Eh,hozir ko’rsaydim bir bora ko’zing,
Qalbing oynasidan sezardim, balki.

Ikki o’t orasi-yonmoqdaman, bil
Sen-la bo’lsam hamki ko’nglim og’riydi,
Sensizlik ikki karra bo’lsa-da azob
Doimo yoningda bo’lsam, qaniydi.

Ketma deb aytishing kutmoqchimasman,
Balki, boryo’qligim emasdir muhim,
Boshidan boshlaylik demayman men ham,
Boshdan boshlamoqqa yetmaydi kuchim.

Xayr demoqlikni xohlamas ko’nglim,
Xayr demoqlikka tilim bormaydi,
Alvido dedimmi, eh noshud tilim!
Sendan voz kechmoqlik oson bo’lmaydi.



P/s: Rauf Parfi she’rini o’qiganimdan keyin ilhom keldi xolos, shunchaki. Hayotimga bog’liq emas, kursdoshlar Ochish/sharhlash

2023-04-13 12:33:03 الكتاب خير رفيق واعز صديق ،لا يطلب اجرا ،ولا يكلف امرا.

"الدروس النحوية" Ochish/sharhlash

2023-04-13 11:58:25 Konferensiya Ochish/sharhlash

2023-04-12 19:33:46 Yer yuzida yoki o’zlaringizda biror musibat yetsa, uni yaratishimizdan oldin, albatta, kitobda bo’lur.Albatta, bu Alloh uchun osondir. Toki na sizdan ketgan narsaga achinmang va na sizga kelgan narsadan hovliqib ketmang. Alloh hech bir dimog’dor va maqtanchoqni suymas. ( Hadid surasi, 22-23-oyatlar).

,,Iymon” Ochish/sharhlash

2023-04-12 18:59:00 Iltimos-ey post olinsa manba bilan olinsin, ayniqsa, she’rlarim Ochish/sharhlash