Abdulloh (아부)

2022-07-09 03:48:30 #tabrik

Bu kunda dunyo ishlaridan uzilamiz.Allohning fayzi boshqacha yog'iladi bu kunda.

Bolalarning quvonchini bir zavq bo'lsa,siylai rahm boshqacha bir zavq.Qurbonlikar qilinib,miskinlar holidan xabar olinadi.Naqadar go'zal hammasi.

Hamma bir-birini qutlagan,hamma a'lo kayfiyatda.Bunday kunlarga faqatgina Allohning fazli bilan yetishamiz.

Barchangizga ayyom muborak bo'lsin.Haqqingizga duodamiz

@abdullokh_rasuljanov Ochish/sharhlash

2022-07-04 19:13:15 #shunchaki

Tug'ilgan kun

Yigirma bir yillik yo'lni bosib o'tibman bugunga kelib.Shuncha yashab aytarli bir ish qilmabman o'ylab qarasam.Faqat o'zim bilan ovora bo'lib o'tdi shuncha vaqt.

Tug'ilgan kun sanasi men uchun bir aziz yoki muqaddas emas.Avvalgilaridan keyingi oddiy bir kun.Hech kimdan alohida e'tibor kutmayman.

Tabriklar bo'lishi tabiiy,tushunaman.Xayrli duo qilganlarni o'zlari ham erishsin.Lekin biror insonni tabriklashi yoki bu kunda alohida mehribonlik qilishini kutmayman umuman.Menga nisbatan iliqlik qanaqadir sana bilan bog'lanishini xohlamayman. Bo'lsa doim bo'laversin yoki aksincha)

Oldindan maxsus rejalar ham qilmayman.Odatiy vazifalarim va ishlarimni davom ettiraveraman.Dam olish kunim ham emas.Shunchaki Robbim hadya qilgan kunlardan biri.

Shunchaki o'tgan hayotimni chuqurroq tahlil qilishga harakat qilaman.Nimaga kelgandimu,nima qilyapman.Mana shu savolni javobiga uzoqroq vaqt ajrataman.Boshqa kunlarimdan farqi shu xolos.

Hammaga rahmat)

Abdulloh Rasuljanov

@abdullokh_rasuljanov Ochish/sharhlash

2022-07-02 20:37:05 #shunchaki

Kino va seriallar

Kino va seriallar ko'rish kerak,faqat tanlab-tanlab ko'rish kerak.Ketgan vaqtni oqlashi uchun.Masalan:

1.Umar ibn Xattob seriali.
Asri saodatni atmosferasini qisman bo'lsada yuksak ko'rsatib bergan.Aslida kim ekanligingni va kimlarning tarafida ekanligingni anglash uchun zo'r manba.

2. Abdulxamidxon - so'ngi imperator.
Serial degan mana shunaqa bo'ladi.Har bir qismi ilm va farosatga yaqqol misol.Ummat yetukligini, musulmonlarning jahon maydonida dadil turishini o'rganish kerak bu serialdan.Chunki qahramonlar to'qima obrazlar emas.Qilgan ishlari ham to'qima afsona emas!

3.Muhabbat oyatlari.
Sizlarga romantika kerakmi,mana romantika.Ishq nima degan savolga javob olasiz katta ehtimol.O'tkinchi havas va xirslarni muhabbat deb yurgan bo'lsangiz, bu kino sizga asl muhabbatni ko'rsatib beradi.Islom ustiga qurilgan har narsa go'zaldir!

4. Uch savdoyi.
Keng dunyoqarash,creative thinking borasida top kino men uchun.Fikrlar xilma-xilligi,vaziyatga noodatiy rakurslardan qarashni o'rgansa bo'ladi.Xullas afsuslanmaysiz ko'rganingizga)

5. Super 30.
Ilm ortida yurganlar uchun zo'r kino.Ilmning naqadar mashaqqatli va shu bilan birga shirin natijali yo'l ekanligi ochib berilgan.Haqiqiy kambag'allik ilmsizlikdir degan g'oyada ishlangan.

Abdulloh Rasuljanov

P/s: Esga kelganlarini yozdim.Aslida bunaqa kinolar ko'p.Biladiganlaringiz bo'lsa yozib qoldiring)

@abdullokh_rasuljanov Ochish/sharhlash

2022-06-27 17:54:59 #shunaqa

Erkakni beqarorlik yo'q qiladi!

Ustozim shu gapni ko'p takrorlaydi.Amal qilganim sari haqiqatligini sezyapman.

Ayrimlarga naqadar kerak mana shu xislat.Buni qilsam unday bo'lsachi,uni qilsam bunday bo'lsachi deb yuraveradi.Oxiri hech qaysisini qilmay qo'yaveradi.

Baribir kelajakni oldindan ko'rolmaysiz, harom ish bo'lmasa Allohga tavakkul qilib qilaverish kerak,tamom.O'ylamasdan qilish degani emas bu.

Bo'lmasa taxminlar bilan o'ralashib o'tiraverasiz.Biz natijasiga emas, harakatiga javobgarmiz.Shunday qilsam nima bo'ladi? Allohni aytgani bo'ladi.

Arzimagan narsalar haqida qaror chiqarishda ham o'ylayverib-o'ylayverib yuraverish xor qiladi erkakni.Mashinasiga qanaqa raqam olishni o'ylaydimi-ye ancha vaqt.G'alati.

Zamon talabi ham shu.To'g'ri qarorlarni maximal tez qabul qilish.Dunyoviy narsalar haqida tezda qaror chiqarib, oxiratni uzoq o'ylang.Vaqtni копеека qilmang.

Abdulloh Rasuljanov

P/s: Nike bekorga aytmagan ,,Just do it" deb)

@abdullokh_rasuljanov Ochish/sharhlash

2022-06-24 14:35:16 YUZINGIZNI YAXSHILAB TANIB OLMOQCHIMAN

Teleboshlovchi bir millioner mehmonidan soʻrayapti :

- Hayotingizda sizni eng koʻp nima baxtiyor qilgan?

- Baxtiyorlikning toʻrt bosqichidan oʻtdim va nihoyat chin baxt nimaligini angladim.

1. Narsa toʻpladim. Koʻpaytirdim. Toʻymadim.
2. Qimmatbaho narsalarni sotib oldim. Yanada qimmatini, yanada qimmatini. Lekin uning ham mazasi vaqtincha boʻldi, xolos.
3. Katta-katta loyihalarni sotib oldim. Futbol komandasimi-yey, sayohatchilar uchun oromgohlarmi-yey. Lekin baribir oʻzim koʻzlagan va kutgan baxtga erisholmadim.
4. Bir doʻstim nogiron bolalar uchun oʻziyurar aravachalar sotib olishga ulush qoʻshishimni soʻradi. Men darhol rozi boʻldim.

Oʻsha doʻstim, sovgʻani bolalarga oʻzing borib, oʻz qoʻling bilan topshirasan, deb oyoq tirab turib oldi. Nochor bordim. Bolalarning xursand boʻlib, aravachalarda u yoqdan bu yoqqa uchib yurganlarini koʻrdim. Ular xuddi bir oʻyingohlarda yurgandek quvnashardi.

Bolalarning quvnaganini koʻrib, oʻzim ham yayrab ketdim.

Shundan keyingi holat esa bu baxtiyorlikni qalbimning ich-ichigacha olib kirdi.

Ketmoqchi boʻlib turganimda bolalardan biri oyogʻimga mahkam osilib oldi. Oyogʻimni beozorgina olmoqchi boʻlsam, u yanada qattiqroq yopishardi. Oʻtkir nigohi yuzimga qadalgan edi. Hayron boʻlib soʻradim:

- Toychogʻim, senga yana biron narsa kerakmi?

Bu begʻubor, begunoh, yuzida chin maʼnodagi baxtiyorlik nishonalari aks etib turgan xilqatning sururbaxsh, umidbaxsh javobiga quloq soling-a:

- Otajon, jannatda sizni uchratganimda Parvardigorimning qoshida sizga minnatdorchilik bildirishim uchun yuzingizni yaxshilab eslab qolmoqchiman.

Dod deb yubordim. Koʻp yigʻladim. Bir tarafdan uning xursandligidan, ikkinchi tarafdan esa oʻzimning baxtiyorligimdan hushimni yoʻqotib, yerga qulay dedim...

Yo Alloh! Men qanday hayot kechirdim? Nimalar qildim? Oʻyin-kulgu, kayfu safo, isrofgarchiliklar... Hamma-hammasi sariq chaqaga arzimaydi. Oʻzim ham baxtli boʻlolmadim, birovni ham baxtli qilolmadim.

Qissadan hissa, yaʼni, olinadigan saboqlar va ibratlar:

1. Aziz aka-ukam, opa-singlim, baxtli boʻlish juda oson. Baxt bu qisqa qilib aytganda, oʻzgalar qalbiga xursandlik olib kirishdir. Shodlik ulashishning katta-kichigi boʻlmaydi. Uning uchun falon pul sarflash shart emas. Birgina samimiy tabassum ham yetarli boʻlaveradi. Uning moddiy boʻlganidan koʻra, ruhiy-maʼnaviy va axloqiy boʻlgani afzalroq.

Paygʻambar alayhissalom dedilar: "Ulugʻ va Buyuk Alloh uchun amallarning eng yoqimlisi bir musulmon (qalbi)ga shodlik olib kirish, musibatini aritish, och boʻlsa, qornini toʻydirish yoki qarzini toʻlab qoʻyishdir".

2. Shunday odam boʻlingki, birovlar siz bilan Allohning oldiga borganda qilgan yaxshiligingiz, marhamatingiz va ehsoningizga yarasha yaxshilik qaytarish uchun koʻrishmoqchi boʻlsinlar.

Birovlar qiyomat kunida zulmingiz, ozoringiz va yomonligingiz tufayli xusumatlashish va qasos olish uchun siz bilan koʻrishmoqchi boʻlishlaridan juda-juda ehtiyot boʻling. Hargiz bunday odamlar safidan joy ola koʻrmang.

Arabchadan Muqim Mahmud tarjimasi 2019-06-07

@GiyosiddinYusuf Ochish/sharhlash

2022-06-23 17:51:31 #foydali

3d fikrlash

Tor ya'ni ikki o'lchamda(2d) fikrlagan inson ko'p qoqiladi.

Alisher Isaevning quyidagi misollarini keltiraman:

1) 10 000 so'm pulini 3 mingini ehson qilgan inson 2d fikrlashda 3000 so'm zarar ko'rgan bo'ladi. Ya'ni 10 000 - 3000 = 7000.

3d fikrlashda esa mana bunday.Alloh berilgan ehsonni 10 dan 700 barobargacha qaytaraman deb va'da qilgan.Eng kamini,10 barobarni olaylik.

3000*10=30 000. O'zimizda qolgan 7000 ni qo'shsak jami 37 000. Ham farz ado etildi,ham molimizga baraka keldi. Mana bu 3d fikrlash!

2) Daraxtda turgan 10 ta qushdan bittasi urib tushirilsa, 2d fikrlash bo'yicha 9 ta qoladi.

3d fikrlashda esa bitta ham qush qolmaydi.Sababi oddiy.Birini urib tushirsangiz,qoganlari qo'rqqanidan uchib ketadi.

Xullas, 2d fikrlaydigan inson asl haqiqatni ko'ra olmaydi va ko'rganini haqiqat deb yuraveradi.O'zi adashtirmasin.

@abdullokh_rasuljanov Ochish/sharhlash

2022-06-20 19:44:13 #shunaqa

Kayfiyat odami

1. Kayfiyat odamiga qiyin.Yaxshi bo'lsa-ku zo'r, lekin kayfiyati chatoq bo'lsa hech narsa qilmay qo'yaveradi.Yomoni ham shu.

2. Kayfiyat shunday, doim ham yaxshi bo'lavermaydi va bu juda-juda normal holat.Hech kim har doim yaxshi kayfiyatda yurolmaydi.

3. Rejalarga kayfiyat ta'sir o'tkazishi yomon signal.U yaxshiligida bajarilib,biroz o'zgarsa tashlab qo'yilgan ishda na samara bo'ladi,na boshqasi.

4. Demak kayfiyat rejalarimizni buzolmasligini ta'minlash kerak.Buni bir yo'li bor.Odamda mas'uliyat qancha katta bo'lsa, kayfiyatga bog'lanib ishlash shunchalik kam bo'ladi.

5. Ikki-uch yoshdagi bolakayning juda ko'p harakati kayfiyatiga,holatiga bog'liq.Yoqmayaptimi,qilmaydi tamom.Chunki unda mas'uliyatni o'zi yo'q yoki juda kichik.

6. Uning otasi esa kayfiyati qanday bo'lishidan qat'iy nazar harakat qilishi kerak.Bo'ydoqligida ham unday emas edi.Lekin endi uning bo'ynida oila, farzand tarbiyasi kabi katta mas'uliyat bor.Uning ishlarida kayfiyat omili minimumga tushib ulguradi.

7. Xulosa. Majbur bo'lmasingizdan avval o'zingizni majbur qiling.Shunda nisbatan osonroq bo'ladi.

Abdulloh Rasuljanov

P/s: Post ham kayfiyat yaxshi emasligida yozildi desama:)

@abdullokh_rasuljanov Ochish/sharhlash

2022-06-16 20:15:42 #foydali

Kibergigiyena

Oxirgi payt odamlarda sezgan kamchiligim, ko'pchilik o'zining kiberxavfsizligiga juda befarq.Post ozgina uzunroq, lekin manfaatli bo'ladi InshaAlloh)

1.Hech qachon va hech kimga email va boshqa parollaringizni,telefoningizga kelgan kodni bermang.Kimdir sizdan qandaydir kodingizni so'rayaptimi, xushyor tortavering.

2. Har doim ikki bosqichli himoyadan(two step verification) foydalaning.Bu xavfsizlikni ancha ta'minlaydi.

3. Duch kelgan link'ni bosib,duch kelgan saytga kiravermang. Tugmalarni ham to'g'ri kelganini bosavermang.Ayniqsa CTA(call to action) buttonlarni. Fishing saytlar tiqilib yotibdi.Qarmoqqa tushib qolasiz.

4. Iloji boricha crack dasturlardan foydalanmang.Noutbuk yoki kompyuteringizda crack dastur bormi,demak u sizniki emas)

5. Parollaringizda ism-familya, tug'ilgan sanalaringizdan foydalanmang.Eng ishonchsiz parol bo'ladi unda.Katta-kichik harflar,sonlar va belgilar kombinatsiyasidan foydalaning.Vaqti-vaqti bilan parollaringizni yangilab turing.

6. Boshqalarning kompyuter yoki telefonidan o'zingizni accountlaringizga kirmang umuman.Bu juda xavfli va zararli.

7. Kimdir parolingizni zudlik bilan yangilashni yoki berilgan linkka darhol bosishingizni so'rasa, 95% sizni "uxlatmoqchi".

8. Biror hayratlanarli sovg'a yoki katta pul yutganingizni aytib, qandaydir link yoki biror parolingizni kiritishni so'rasa ishonmang.O'sha gap: Tekin pishloq qopqonda bo'ladi.

9. Hattoki eng yaqin odamlaringizdan kelgan linklarga,katta takliflarga ham ishonib qolmang.Ularning accounti vzlom qilinib,ular orqali sizni hack qilishayotgan bo'lishi ham mumkin.

10. Kompyuteringizga duch kelgan fleshkalarni solmang.Fleshkada malware yoki virus bor-yo'qligini umuman bilmaysiz.Shaxsiy ma'lumotlaringizga mas'uliyat bilan qarang, siz tufayli yaqinlaringizni ma'lumotlari ham xavf ostida qoladi.

Aslida buzib bo'lmaydigan dasturni o'zi yo'q.Lekin ehtiyotkor bo'lish zarar qilmaydi.

Abdulloh Rasuljanov

@abdullokh_rasuljanov Ochish/sharhlash

2022-06-16 08:23:45 Ochish/sharhlash

2022-06-13 19:55:51 #hikmat

Har narsadan bir hikmat!

Taksichi amaki mashinasiga o'zining o'smir paytidagi rasmini ilib qo'yibdi.Qo'lida sigaret,bo'ynida katta zanjir.

Tabiatan qiziquvchanligim uchun so'ramasdan turolmadim nega ilib qo'yganliklarini)
Amakining javobi kutilmagan bo'ldi:

O'smirligimda bir ilm yoki kasbni tutmay, ko'cha bolasi bo'lib yuraverganman.Bugun sen ham ko'chada sayoq yuraversang,ertaga nari borsa mendek taksist bo'lasan.O'g'lim mashinamga kuniga sendek yoshlar juda ko'p chiqadi.Shularga ibrat bo'lsin deyman.O'qi bolam, o'qi!

Hech bir gap demadim.Ancha o'ylab qoldim gaplarini.Faqat g'iybat va siyosatdan gapirib bezor qiladigan taksichilar uchun amaki yaqqol o'rnak ko'rindi menga.

Rasululloh ﷺ : "Hikmat mo'minning yo'qotgan narsasidir, mo'min kishi uni qayerda topsa ham oladi".

Abdulloh Rasuljanov

@abdullokh_rasuljanov Ochish/sharhlash