ОРЗУЛАРИНГИЗНИ КЎМГАНМИСИЗ? Раҳмат, керакмас... Ташаккур, ш | Zebiniso Ahmedova — psixolog blogi
ОРЗУЛАРИНГИЗНИ КЎМГАНМИСИЗ?
Раҳмат, керакмас...
Ташаккур, шартмас!
Йўқ, дедиму, менга керакмас!!!
Кутиш, кутиш, кутиш. Ўзинг эмас, кимдир сенинг орзуларинга масъул. Сен эмас, бошқа биров мақсадларинга етаклайди. Ҳеч иложинг йўқ, сенга берган ваъдаларга ишониш ўзинг қўлингдан келганидан устунроқ. Кутишинг йўқликка айлансачи... Сенга берилган ваъдалар сени қўлинга кишан, қалбингга алдов, миянга захар бўлсачи?
Ўша пайти ўзинга қайтасан. Ўша пайти кимлигингни таниб қоласан. Қўлингдан нималар келиши ўшанда аён бўлади.
Лирик чекинишдан сўнг психолог сифатида кутиш психологияси ҳақида билим улашсам.
- Кутиш бу қўлингни олдинга чўзиб туриш. Кимга ўхшадингиз? Тиланчими? Гадойми?
- Кутиш бу автобекатда сиз белгилаган рақамли автобусни пойлаш. Бу рақамли автобус эса бу шаҳарда юрмайди.
- Кутиш бу қадамсизлик, ҳаракатсизлик, асли мақсадсизлик бўлсачи? Ахир мақсади бор одам ҳаракатланади, қўлини бировга чўзмайди, йўқ автобусни қидирмайди.
- Ҳозироқ автобус ўрнига ўз оёғингизга ишонинг.
- Ҳозироқ, қўлингизни тиламчилик ҳолатидан тортиб олинг.
- Ҳозироқ, миянгизни алдаётган кимдир қуриб берадиган жаннатларнинг саробидан қутқаринг.
Сизга автобус жўнатишга ҳеч ким масъул эмас. Бу автобус рақамини сиз ўйлаб топгансиз. Сизни ҳеч ким тиланчилигингиз учун яхши кўриб қолмайди. Ҳеч ким сиз учун жаннат қуриб бермайди.
Мана шу пайти орзуларингизни кўмиш пайти келади. Йўқ керакмас! Ўзингиздан хафа бўлинг. Орзу бу ҳали мақсад дегани эмас. Мақсад инсонни ҳаракатга чорлайди. Мақсад инсонга куч беради.
Орзуларингизни кўмиш, қалбингизда орзуларингиз учун аза очиш, кўз ёшини ўзингизнинг кутишларингиз учун тўкиш хақиқий азадир. Чунки орзулар кўмиладиган макон бу қалб. Қалб қабристонга айлансачи? Сизнинг қалбингизда нечта қабр бор. Нечта орзуларингизни кўмгансиз? Сиз орзу қилгансиз. Орзуларингиз хақоратланишига сиз рухсат бергансиз. Фақат сиз ва фақат сиз ушбу орзуларингизни мақсадга айлантириб ҳаракатланишга масъулсиз. Сиз эса орзуларингизга раҳбар тайинлаб, унга маош бермасдан, ундан хафа бўлиб ўтирибсиз. Охир оқибат қалбингиз орзулар қабристонига айлангани аниқ.
Нима қилиш керак.
Аввало қалбингиздаги орзулар қабристонидан воз кечинг. Реалликни қабул қилинг. Реаллик шуки, шу орзуларингизга етиш учун ўзингизнинг қўлингиздан нималар келади. Шу орзуларингизни амалга ошириш учун сизда билим етмаса, куч етмаса, вақт ва имконият етмаса, демак, бу сизга душман орзулардир. Сиз учун ҳеч ким ва яна ҳеч ким жаннатмакон имконият яратиб бермайди. Фақат ўзингиз ва фақат ўзингиз меҳнат, билим, ғайрат билан етасиз. Сиз бу орзуларингизнинг хизматкорига айлана олмадингизми? Сизнинг орзуларингиз учун бошқалар хизматкор бўлмаслигини аниқ англанг. Орзуларингиз учун хизматкор бўлмаганларни айбламанг, хафа бўлманг, қалбингизни қабристонга айлантириб азадорлик қилманг.
Ҳеч кимдан кутманг. Ҳеч кимни хизматкорликга ёлламанг. Ўзингизни борича қабул қилинг ва шу борлигингиз эплоладиган мақсадлар учун хозироқ ўрнингиздан туринг.
Ойнага қаранг, бир бора жилмайинг ва албатта бахтли бўлишингизга ишонинг.
Зебинисо Аҳмедова
Психологдан Консультация олиш учун, Ваҳима, қўрқув, ёпишқоқ фикр, хавотир ва невротик депрессияларда бизга мурожаат қилинг!
Тел: +998908055580
Тел: +998909444612
Расмий каналга
уланиш:
» @ZebinisoPsixolog
