АРОҚХЎР ҲАҚИДА БИР СЎЗ БИРГА ҚАРАМЛИК ёки ҲАМКОР АЛКОГОЛИЗМ | Zebiniso Ahmedova — psixolog blogi
АРОҚХЎР ҲАҚИДА БИР СЎЗ
БИРГА ҚАРАМЛИК ёки ҲАМКОР АЛКОГОЛИЗМ – бу ароқхўрга қарам бўлишдир.. Алкоголик спиртли ичимликга қарам бўлса, ҳамкор алкоголик ароқҳўр инсонга қарам бўлади. Ароқхўр инсоннинг барча хулқ-атвори ва харакатларига қарам инсонлар ароқхўрга қарам бўлиб қолган инсонлардир.
Ароқхўрнинг барча қилмишига бўйсуниш, ҳиссиётлари ароқхўрнинг харакати билан бошқарилиши хамкор алкоголикга хосдир. Бунда бутун оила бир учбурчакга ўхшаб қолади: НАЗОРАТЧИ-ҚУТҚАРУВЧИ-ЎЛЖА. Неврозларнинг 80% ини оиласида ароқхўр бўлиб, унга қарам бўлган инсонлар ташкил этади.
Ароқхўрнинг ароқга бўлган мухаббати, аёлининг эрига бўлган ишончидан баландроқ бўлади ва шунинг оқибатида бутун оила ароқхўрнинг айтганини қилади. Аёлининг айтгани инобатга олинмайди, чунки ароқга бўлган қарамлик оғир касаллик деб саналади ва бу касал инсонга рахм юзасидан мухаббат берилади. Қарабсизки, яна ароқхўр енгиб чиқди! Аёл эса, ароқхўр эрини ўз мухаббати билан рахм юзасидан қўллаб-қувватлаши кераклигини ўз бўйнига олиб қўйди.
.... Бир ҳайдовчи машинада кетаётган экан, бирданига қуюқ туман тушибди. Машинани бошқариш оғирлашибди. Барча диққатини жамлаб, жавобгарликни ўз қўлига олибди. Йўлни кўра олмаганидан терлаб кетибди. Бир пайт олдида бошқа бир машинанинг қизил чироқлари кўринибди. Бу инсон ўша қизил чироқни ўзига маёқ қилиб олибди-да, ўзини анча енгил ҳис қилибди. Машинани бемалол, хеч нимадан хавотир олмаган ҳолда бошқаришни бошлабди. Ваҳимаси ва қўрқуви кетибди. Ҳайдовчи тинчланибди. Бирданига қизил чироқ ўчибди, аммо, хайдовчи тўхтамабди ва бирданига қизил чироғи йўқ бир машинани бориб орқасидан уриб олибди.
-Нега машинангнинг қизил чироқларини ўчирасан! Бақириб кетибди хайдовчи. Сени деб машинамни уриб олдим! Сўкинишда давом этибди бу одам.
-Ўз уйимда машинам чироғини ўчирсам майлими?! Деб кулиб юборибди уйига таклиф қилган бу инсон!
ҚИЗИЛ ЧИРОҚ АСЛИДА ЎЗИНГИЗ!
Шу номли китобдан парча
Зебинисо Аҳмедова
Психологдан бепул маслаҳат ва Консультация олиш учун қуйидаги тел. рақамларга мурожаат қилинг:
Тел: +998908055580
Тел: +998909444612
Каналга уланиш: » @ZebinisoPsixolog
... ва инфо канал: » @ZebinisoAhmedova
