Психотерапевтдан бир ҳикоя .... Биз қўним топган хонадонда | Zebiniso Ahmedova — psixolog blogi
Психотерапевтдан бир ҳикоя
.... Биз қўним топган хонадонда завқли хаёт мужассам экан. Олтита ит, мушук, эчки, эшак, товуқ ва хўрозлар бор экан. “Зоопарк мана-ю” дедим фарзандларимга! Оилавий дўстлар ҳам бу "зоопарк"ни фарзандларга тушунтира кетишди. Тоғнинг туни ҳам ўзгача - шомдан эт жунжука бошлади. Интернет бўлмагани учун (тан олиш ҳам яхши) эрта ухлашга ётдим. Кучуклар аккиллар, баъзилари увиллар, эшшак хангираб қўярди. Бу овозларга эчки ва хўроз ҳам жўр бўлишарди. Қисқаси шовқинли тун.
“Эй, психолог уйғон!” деб уйғотишди гурунг қилиб ўтирган аёллар! Шу шовқинда қандай ухлаяпсиз-а! Ҳаммаси кулишарди. Мен уйқусираб савол бердим:
- Фақат мен ухлаяпманми?!
- Йўқ! Болалар ҳам ухлашаяпти! Улар тоғма-тоғ югуриб чарчашибди шекилли! Бизга сирини айтмасангиз бўлмайди, шунча шовқинда қандай ухлаяпсиз?!, - ҳаммаси уйни кўтариб кулишарди!
- Бу кучуклар, эшшак ва эчкилар нозиктаъб аёллар келганидан хабарлари йўқ! Сиз учун хангираб, аккиллашмаяпти! Хўроз ҳам сиз учун қичқирмаяпти аслида!,- дедим... Ҳозир психологнинг ухлаб колгани-ю, бу аёлларнинг ухламагани билан уларнинг иши йўқ! Улар ўз вазифаларини бажаришаяпти.
.... Аёлларнинг кулгусидан ширин ухлаётган фарзандларнинг уйғониб кетиш хавфи туғилди!
- Сизлар келсаларинг хангирайман,- деб ўтирган экан шу эшшак! Кучуклар ҳам сизларга ёқиш мақсадида ким ўзар ўйнашаяпти!,- деган гапимдан..... тушунгандирсиз, ҳаммалиги чунонам кулишди.
Кўзларидан ёш чиқарди ҳаммасининг, кулгуларидан ухлай олишмаслиги аниқ бўлиб қолди! Аммо, психолог бизни ухлатади, деб кулишарди энди!
- Келиб-келиб нимага эшшак хангирайди,- деб ухламайсизларми? У ўз ишини қилаяпти! Унга қарши курашиб ўтирибсизлар!,- дейишимни биламан, шовқин янаям кучайди! Сизлар эшшак, ит, хўрозга қарши уруш очиб ўтирибсизлар! “Сизларнинг овозларинг бизга ёқмаяпти, жим туриб-туринглар ухлаб олайлик!”,- деяпсизлар!
Шовкин сизлар учун эмас! Муаммо шовқинда эмас! Муаммо сизларда! Сизлар талаб
қўяпсизлар: Агар, эшшак, ит, хўроз жим бўлса, ухлаймиз,- деб!
Сизлар ухлаб қолган психолог устидан кулмай, эшшак билан курашувчиларнинг устидан кулинглар!,- дедим! Кулгу - тўполонли кулгуга айланди!
Келинглар, эшшак, кучук билан дўстлашамиз, уларнинг шовқинидаги ҳаёт завқини эшитишга ҳаракат киламиз, уларни борича қабул қиламиз,- дедим. Эшшак билан курашганинг билан у йўқ бўлиб қолмайди,- деб давом эттирдим. Буни ҳаётнинг чиройлилиги, деб қабул қилинг ва ўша шовқин билан дардлашинг, уйғунлашинг,- дедим!
Ҳаммаси сизнинг миянгизда! Агар сиз дўстона бўлсангиз, дунё дўстлашади... Агар сиз душманлашсангиз, эшшак ва итлар топилади.... кучук, эшшак, эчки, хўроз ва товуқларнинг ичига инсон булиб кириш керакмикан?.....
ОСУДА УЙҚУЙИНГИЗНИ ФАҚАТ ШИРИН ТУШЛАР БУЗОЛСИН!
"Сизни бахтли қиладиган инсон” китобидан лавҳа
Психологдан Консультация олиш учун, Ваҳима, қўрқув, ёпишқоқ фикр, хавотир ва невротик депрессияларда бизга мурожаат қилинг!
Тел: +998908055580
Тел: +998909444612
Расмий каналга
уланиш:
» @ZebinisoPsixolog
