ГОҲИДА КЕЧИРИМ СЎРАШГА ҲАМ ТЎҒРИ КЕЛАДИ. @Zamira_Abdurazzoqov | Zamira Abdurazzoqovna

ГОҲИДА КЕЧИРИМ СЎРАШГА ҲАМ ТЎҒРИ КЕЛАДИ.

@Zamira_Abdurazzoqovna

Қалб фақат кимдир ҳафа қилгандагина эмас, балки сиз ҳам кимнидир билиб - билмай ҳафа қилиб қўйганингизда ҳам азият чекади, қийналади.
Бундай вазиятда сиз ҳафа қилиб қўйган инсондан самимий кечирим сўрашингиз лозим бўлади.

Аммо бу жараённи ҳамма ҳам осонгина бажара олмайди.
Сабаби...
Инсонда КИБР деган ёмон унсур бор. Ўша кибр йўл бермайди узр сўрашга, "Мени кечиринг" дейишга.
Бунда нима қилмоқ керак?

# АМАЛИЁТ #

Қалбингизни узоқ қийнамасликка ҳаракат қилинг.

Сиз ҳафа қилган инсонни кўз олдингизга келтиринг.
Ўша вазиятни тасаввур қилинг.

Сиз ҳафа қилган инсонга ўша вазиятда ноҳақлигингизни кейинроқ, ўзингизга келганингизда тушуниб етганингизни айтинг.

У инсонни самимий ва қаттиқ бағрингизга босинг, унга уни ҳурмат қилишингизни, керак бўлса яхши кўришингизни айтинг.

У инсонга у яхши кўрадиган гуллар ёки ширинлик ҳадя қилинг ва самимий узр сўранг.

Бу амалиётни бир неча марта ҳаёлан бажарганингиздан кейин, сиздаги "кибр" чекинганига, синганига ишонч ҳосил қилганингиздан сўнг бу амалиётни жонли бажаринг.

КЕЧИРИШ ВА КЕЧИРИМ СЎРАШ БИЛАН ИНСОН ҚАЛБИНИ ҚИЙНАЛИШДАН ОЗОД ҚИЛИШ БИЛАН БИР ҚАТОРДА АЛЛОҲ РИЗОЛИГИГА ЭРИШИШИНИ ҲАМ ТУШУНИШИ ЛОЗИМ.

КЕЧИРИНГ ВА КЕЧИРИМ СЎРАНГ, ҚАЛБИНГИЗ ОЗОД ҚУШДЕК УЧСИН ВА БАХТНИ ТУЙСИН!!!

~ ~ ~ ~ ~