#𝙎𝙊𝙂𝙄𝙉𝘿𝙄𝙈
Сени кўп изладим Дунёда юриб,
Ва сенга етгунча минг йилга етдим,
Қара, телбалардек ёнингда туриб,
Минг йил кўрмагандек соғиниб кетдим!
Бирга келишингдан умидга тўлиб,
Баҳорларни кутдим, қишларни кутдим!
Топдиму, ишқинга гирифтор бўлиб,
Минг йил кўрмагандек соғиниб кетдим!
Келмас йўлларингни юбордим ёқиб,
Чўғларнинг устидан кунда бир ўтдим!
Сўнг сени топдиму, кўзинга боқиб,
Минг йил кўрмагандек соғиниб кетдим!
Висолинг умидин жон қадар суйиб,
Заққум дарахтларин мевасин ютдим!
Келдингу, пойинга кўнглимни қўйиб,
Минг йил кўрмагандек соғиниб кетдим!
Қандай жодуладинг билмайман мени,
Ишониб юрагим қўлинга тутдим!
Ёнимдан жилмагин, ахир мен сени,
Минг йил кўрмагандек соғиниб кетдим!
♡ ㅤ ❍ㅤ ⎙ㅤ ⌲
ˡᶦᵏᵉ ᶜᵒᵐᵐᵉⁿᵗ ˢᵃᵛᵉ ˢʰᵃʳᵉ
ᵏᵃⁿᵃˡᵍᵃ ᵒᵇᵘⁿᵃ ᵇᵒ'ˡⁱⁿᵍ
@Yuragimdasan_sevgiilim
