Синган суякнинг тўлиқ тикланиши учун қанча вақт керак?
Аҳаджон Абдуҳалилов, соғлом ҳаёт тарғиботчиси
Синган суякнинг даволаниши уч босқичда амалга ошади: Илк, яъни яллиғланиш босқичида ҳимоя ҳужайралари суякни синган жойга келиб, қон уюми, яъни гематома ҳосил қилади;
Тикланиш босқичи, бу жароҳатдан кейин тахминан бир ҳафта ичида бошланади. Бунда илгари ҳосил бўлган қон уюмининг ўрнини юмшоқ қадоқ ёки юмшоқ суяк эгаллаб, суякни синган қисмларини бир-бири билан боғлаб туради, лекин бу суяк ҳаракат қилиш учун етарли кучга эга эмас, юмшоқ суяк яна қаттиқлашиб, ҳаракат қилишга қодир бўлгунига қадар 3 ҳафтадан 6 ҳафтагача вақт кетиши мумкин, бу босқичдан кейин ҳолат анча яхшиланади, фақат рентгенда нотекис чизиқлар қолади;
6 ҳафтадан кейин қайта қурилиш босқичи бошланади, бир неча ой ичида қаттиқ қадоқ ўринни ҳақиқий суяк эгаллайди, бу босқич якунлангандан сўнг суяк ўзининг аввалги ҳолатига қайтади.
@yoshlar_kelajagimiz_buxoro
