2022-08-24 09:37:47
"Тузланган" Spark'ларга ёлғон муносабат ҳақида
Тармоқларда очиқ майдонларда жамланган минглаб Spark автомобиллари бўйича UzAuto Motors'нинг муносабати ва жавобига ишониш учун ғирт лақма бўлиш керак. Истеъмолчи ўлароқ эса бундай очиқча цинизмга қарши ғазабга келмаслик мумкин эмас.
Эмишки, суратларда аллақачон мижозлар томонидан шартнома тузилган ва кейинчалик мижозга етказиб бериш учун Ангрен шаҳрига етказилган автомобиллар кўрсатилган. Бу ғирт ёлғон. 20 август тонг сахар ҳолатига Spark автомобили бўйича контрактация йўқлиги учун 50 фоиз пулини олдиндан тўлаб қўйганлар ва автомашина бўйича навбатда турганлар бўлмаган (илова ва ботдан скриншотлар мавжуд).
Манбаларга кўра, монополист Spark бўйича контрактацияни тўхтатиб, дефицит яратиб қимматроқ сотиш учун ишлаб чиқарилган автомобилларни кўздан нари майдонларга йиғишни апрель охири, май ойлари бошида бошлаган. Августь ойлари бошига бундай "тузланган автомобиллар" сони бир неча мингга етган.
Аввалги прогнозларда қайд этилганидек, "тузланган" Spark'лар конфигурацияси бироз ўзгартирилиб ўртача минг доллар қимматроқ нархларда сотувга қўйилган.
Монополияга қарши кураш қўмитаси, агар ҳалиям тўкилмаган биронта тиши қолган бўлса, мазкур ҳолатни чуқурроқ ўрганиши ва баҳо бериши лозим. Монополист сунъий дефицит яратиш ва кейин нархларни ошириш усулидан биринчи марта фойдаланмаяпти, агар тегишли жазо ва чоралар бўлмаса, бундай ҳолат яна такрорланади.
bakiroo
11 viewsedited 06:37