MEN DARDIMNI KIMGA AYTAMAN _________________________________ S | XOVOS TRANSPORT KASB HUNAR KOLLEJI | UYDA QOLING!
MEN DARDIMNI KIMGA AYTAMAN
_________________________________
Samarqandga borsam men agar,
Ulug'bekni ko'rib qaytaman.
U qon yig'lab turar har safar: -
Men dardimni kimga aytaman?..
_________________________________
Bag'rimda bo'y yetgan bo'z bolam,
Mergan bolam, lochin ko'z bolam,
Bo'g'zimga tig' urgan o'z bolam,
Men dardimni kimga aytaman?
_________________________________
Sezmay qoldim... o'shanda chog'im,
Yulduzlarda ekan nigohim.
Bilmadim ne edi gunohim,
Men dardimni kimga aytaman?
_________________________________
Qancha g'amga botmagan edim,
Qancha og'u yutmagan edim.
O'z bolamdan kutmagan edim!
Men dardimni kimga aytaman?
_________________________________
Tanim muzlab, goh tosh qotaman,
Men shoh emas, axir otaman.
Goʻrimda ham oʻylab yotaman,
Men dardimni kimga aytaman?..
_________________________________
Samarqandga borsam men agar,
Ulugʻbekni koʻrmay qaytmayman.
U qon yigʻlab turar har safar,
Men kimga aytishni bilmayman!..
_________________________________
Muhammad Yusuf Sheʼri
SARDORBEK_01
