Xalq ta'limi | Uyda qoling!

2022-09-01 05:27:15 Ҳурматли юртдошлар, қадрли халқ таълими тизими ходимлари!

Сизларни халқимизнинг энг улуғ байрами — истиқлолимизнинг 31 йиллик айёми билан Халқ таълими вазирлиги жамоаси номидан муборакбод этамиз.

Мамлакатимиз тараққиётини таъминлаш, ёшларимиз билим ва маънавиятини ошириш, фарзандларимизнинг чин ватанпарвар инсонлар қилиб тарбиялаш йўлида олиб бораётган заҳматли меҳнатингиз, фидойилигингиз катта эътирофга лойиқ.

Барчангизнинг касбий фаолиятингизда улкан зафарлар, оилангизга бахт-саодат ва хотиржамлик тилаймиз. Ochish/sharhlash

2022-08-31 21:32:12 Шавкат Мирзиёев: “Мен доим айтганман ва яна қайтараман, биз учун биринчи ўринда таълим, таълим ва яна таълим туради”

Шавкат Мирзиёев кейинги беш йилда энг кўп эътибор қаратиладиган йўналишлардан биринчиси таълим эканини айтди. Президентга кўра, мактабларнинг ўқув дастурлари, ўқитиш услуби ва дарсликлар мазмуни тубдан қайта кўриб чиқилади.

“Бу тизим аввал илғор хорижий мутахассислар томонидан экспертизадан ўтказилиб, кейингина ҳаётга тадбиқ этилади”, – деди Мирзиёев.

Мактаблар қуриш, малакали педагоглар тайёрлаш ва уларнинг маошини ошириш борасидаги ишлар янги босқичга кўтарилиши айтилди. Имконияти чекланган болалар таълими учун шароитлар кенгайтирилади.

каналга уланиш
https://t.me/xalq_talimi Ochish/sharhlash

2022-08-31 21:30:18 Шавкат Мирзиёев 2026 йилгача энг аввало эътибор қаратиладиган 5 та асосий соҳани санаб ўтди:

Биринчиси — таълим;
Иккинчиси — суд;
Учинчиси — тадбиркорлик;
Тўртинчиси — соғлиқни сақлаш.
Бешинчиси — аҳолини тоза ичимлик суви билан таъминлаш.

https://kun.uz/13138350

каналга уланиш
https://t.me/xalq_talimi Ochish/sharhlash

2022-08-31 20:00:35 «Таълим соҳасида фарзандларимиз замонавий билим ва кўникмаларни пухта эгаллашлари учун энг қулай шароитлар яратиш изчил давом эттирилади. Бунинг учун мактабларнинг ўқув дастурлари, ўқитиш услуби, дарсликлар мазмуни тубдан қайта кўриб чиқилади».

Президент Шавкат Мирзиёев 2026 йилгача Тараққиёт стратегияси доирасида амалга ошириладиган 5 та асосий вазифани белгилаб берди.

Facebook|Instagram|Twitter Ochish/sharhlash

2022-08-31 20:00:34 Ҳурматли устозлар!

Ижтимоий тармоқларда 15 йилдан ортиқ меҳнат стажига эга олий тоифали педагогларнинг жорий йил ўтказилган аттестация жараёнларида иштирок этмаганлиги натижасида мавжуд малака тоифасини йўқотганлигига доир нотўғри талқинлар тарқалмоқда.

Азиз устозлар!

Ҳавотирга ўрин йўқ! Халқ таълими вазири сифатида шуни алоҳида таъкидлаб ўтаманки, жорий йил март-май ойларида малака тоифаси олиш учун ўтказилган аттестация даврида амалда бўлган тартибга асосан, 15 йиллик узлуксиз иш стажига эга бўлган олий малака тоифага эга педагогларнинг аттестациядан ўтиши мажбурий бўлмаган ва уларнинг олий тоифа малакаси умрбод сақлаб қолинади.

Шунингдек, албатта, ушбу тоифадаги педагог ходимларимизнинг ойлик иш ҳақлари олий малака тоифага тегишли лавозим окладидан тўланади. Ochish/sharhlash

2022-08-31 15:07:17 2022-2023 янги ўқув йилида “Мустақиллик дарс”лари “Янги Ўзбекистонда эл азиз, инсон азиз” шиори остида ўтказилади


2022-2023 ўқув йили республикамиздаги 10 130 та мактабларида “Билимлар куни”ни “Мустақиллик дарс”лари билан бошланади.

“Янги Ўзбекистонда эл азиз, инсон азиз” шиори остида ўтказиладиган Мустақиллик дарслари мактаб директори, директорнинг маънавий-маърифий ишлар бўйича ўринбосари, тарих, она тили ва адабиёти фанлари ўқитувчилари ҳамда синф раҳбарлари томонидан олиб борилади.

“Мустақиллик дарслари”да ўқувчиларга халқимизнинг 31 йил давомида эришган ютуқлари, Президентимиз ва Ҳукуматимиз томонидан амалга оширилаётган ислоҳотларнинг мазмун-моҳияти борасида кенг маълумотлар берилади.

Шунингдек, умумтаълим мактабларига ташриф буюрган сектор раҳбарлари ҳам “Мустақиллик дарслари”да иштирок этиб, ўқувчиларга мамлакатимизда мустақиллик йилларида хусусан сўнгги йилларда ижтимоий-сиёсий, ҳуқуқий, иқтисодий, маънавий-маърифий, ташқи сиёсат ва хавфсизликни таъминлаш борасида эришилган ютуқлар, амалга оширилган ишлар мазмун-моҳияти, таълимдаги ислоҳотлар, ёшларни қўллаб-қувватлашга қаратилган давлат сиёсати ва бошқа бир қатор кўрсатгичлар ва эришилаётган ютуқлар тўғрисида маълумотлар бериб ўтади.

Мазкур дарсларни ўқитиш учун Халқ таълими вазирлиги томонидан намунавий сценарий ва тавсиялар ишлаб чиқилди.

Қуйидаги ҳаволалар орқали сценарий ва тавсияларни юклаб олишингиз мумкин:

“Биринчи қўнғироқ”нинг НАМУНАВИЙ СЦЕНАРИЙСИ ва ТАВСИЯЛАР

“Мустақиллик дарси”дан ўрин олган мавзуларни ўқитишда фойдаланиш тавсия этилаётган ТEЗИСЛАР (ПЕДАГОГЛАР УЧУН)

“Мустақиллик дарси” ТАҚДИМОТИ

Ўқитувчилар учун телеграмда махсус каналга қўшилинг ва янгиликларни биринчилардан бизда ўқиб боришингиз мумкин

каналга уланиш
https://t.me/xalq_talimi Ochish/sharhlash

2022-08-30 18:01:50 Миллий ўқув дастури доирасида яратилган янги авлод дарсликлари намуналари ва жалб қилинган халқаро экспертлар

Примеры учебников нового поколения созданных в рамках Национальной учебной программы при участии зарубежных экспертов Ochish/sharhlash

2022-08-30 18:01:50 Мукофот муборак, азиз устозлар!

Ўзбекистон Республикаси Президентининг фармонига асосан юртимиз мустақиллигининг 31 йиллиги муносабати билан фан, таълим, соғлиқни сақлаш, спорт, адабиёт, маданият, санъат соҳалари ва оммавий ахборот воситалари ходимларидан бир гуруҳи мукофотланди.

Хусусан, юртдошларимиз Ватанимиз мустақиллигини мустаҳкамлаш, Янги Ўзбекистонни барпо этиш йўлида амалга оширилаётган ислоҳотларга қўшган муносиб ҳиссаси, ўзининг ёрқин истеъдоди, кенг қамровли ижодий, илмий-амалий фаолияти билан халқимиз маънавиятини юксалтириш, мамлакатимизда илм-фан, таълим, спорт, маданият ва санъат соҳаларини ривожлантириш, ёшларимизни она юртга чексиз муҳаббат ва садоқат, умуминсоний қадриятларга ҳурмат руҳида тарбиялаш йўлидаги самарали хизматлари ҳамда жамоат ишларидаги фаол иштироки учун фахрий унвонлар билан тақдирланди.

Мукофотланганлар орасида Халқ таълими тизимида фаолият юритаётган педагоглар ҳам борлиги қувонарли ҳол. Жумладан:

«Меҳнат шуҳрати» ордени билан

Абдуллаев Рамазон Бобомуродович - Бойсун туманидаги 53-умумий ўрта таълим мактабининг бошланғич синф ўқитувчиси, Сурхондарё вилояти

Искандаров Бўри - Касби туманидаги 2-умумий ўрта таълим мактабининг математика фани ўқитувчиси, Қашқадарё вилояти

«Дўстлик» ордени билан

Астафурова Наталья Константиновна - Янгиер шаҳридаги «Баркамол авлод» болалар мактаби директори, Сирдарё вилояти

Азаматова Карима Набиевна - Гулистон шаҳар кўзи ожизлар маданият марказининг Брайл ёзуви бўйича тўгарак раҳбари, Сирдарё вилояти

Темиров Амиржон Бобоавезович - Сўх туманидаги 29-умумий ўрта таълим мактаби директори, Фарғона вилояти

II даражали «Соғлом авлод учун» ордени билан

Салимова Нигора Абдулкаримовна - Учтепа туманидаги 107-ихтисослаштирилган умумий ўрта таълим мактаби директори, Тошкент шаҳри

«Соғлом турмуш» медали билан

Баратова Шаҳзода Абдуллажоновна - Косонсой туманидаги 33-умумий ўрта таълим мактабининг жисмоний тарбия фани ўқитувчиси, Наманган вилояти

«Шуҳрат» медали билан

Алимова Нигора Исраиловна - Ўзбекистон Республикаси Халқ таълими вазирлиги ҳузуридаги «Меҳрли мактаб» давлат таълим муассасаси директори

Раимова Феруза Баходиржоновна - Тошкент шаҳридаги «Мурувват» ногиронлиги бўлган болалар учун 1-интернат-уйи тарбиячиси.

Халқ таълими вазирлиги жамоаси барча педагогларни ушбу юксак мукофотлар билан самимий муборакбод этади! Ochish/sharhlash

2022-08-30 18:01:50 Дарсликлар таъминоти юзасидан махсус бот ишга туширилди.

Ўқув йилининг бошида мактабларнинг контингентидаги ўзгаришлар, яъни бир мактабдан бошқа мактабга ўтиш туфайли ўқувчи сонининг ўзгариши, ўқувчилар таълим олиб келган мактабида ҳам, келаётган мактабида ҳам ўқувчилар сони, айрим ҳолатларда ҳаттоки таълим тилини ўзгартириши ҳолатларини кузатамиз.

Ўқувчи сони ўзгариши (кўпайиши ва камайиши) мактабда мавжуд бўлган дарслик фондини ҳам қайта тақсимлаш заруриятини юзага келтиради.

Маълумки, дарсликлар ҳар йили чоп этилмайди ва чоп этилган йилда, мактаб буюртмасига қараб, фойдаланиладиган ижара даври учун мактабда таълим оладиган ўқувчилар сонига ҳамда таълим тилига қараб тақсимланади. Мактаб контингенти ўзгариши ўз-ўзидан аввалдан ўқувчи сони ўзгариши динамикасини аниқлаш имконияти йўқлиги сабабли, юзага келган етишмовчиликни бартараф этиш мақсадида бошқа ҳудудда сақланаётган дарсликларни қайта тақсимот қилишга ва эҳтиёж юзага келган мактабга етказишга олиб келади.

Мисол учун ўтган 2021 йилнинг сентябрида мамлакатимиз бўйича минглаб ўқувчиларнинг мактабини ўзгартириши сабабли шунча сонга мос равишдаги дарсликларни қайта тақсимлаш зарурияти юзага келган.

Албатта, юзага келадиган вазиятда халқ таълими вазирлигидан бошлаб, бевосита ҳудудларда ва мактабларда дарсликни тақсимотига масъулларнинг бошқа ҳудуд (мактаб)лардан керак бўладиган дарслик комплектларини етказиб беришда тезкорлик билан ҳаракат қилишлари ўта муҳим.
Шу билан бирга ҳурмали ота-оналарнинг ҳам бевосита Вазирликнинг ботига мурожаат қилиб, муаммоли ҳолат бўйича маълумот беришлари орқали ўз фарзандлари учун керак бўладиган комплектларни етказиб берилишида ёрдам беришлари мумкин.
Бунинг учун, махсус телеграмм-ботга - @bookedu_bot мурожаат юборишингизни сўраймиз.
Мурожаатда аниқ қилиб, мактабни, юзага келган масалани баён этиш сўралади.

Шу ўринда, айрим манбаларда 3-, 6-, 7-, 10-синф янги дарсликларни ўқув йили бошидан берилиши ёки берилмаслиги бўйича турли талқинлар ва фикрлар юзага келганлигидан келиб чиқиб, бу масалага ҳам ойдинлик киритсак. Ўзбекистон Республикаси Президентининг ПФ-134-сон Фармони билан тасдиқланган “2022-2026 йилларда Халқ таълимини ривожлантириш бўйича Миллий дастур”га асосан дарсликларни халқаро экспертлар иштирокида яратиш ва босқичма-босқич жорий этиш вазифаси белгиланган.

Фармонга асосан, 2022 йил якунига қадар дарсликларни янгилаш вазифаси 4 та синфни қамраб олиши белгиланган. Бундан ташқари, 2022 йилда инглиз, немис ва рус тилларидан Кембридж, Клетт нашриётлари ва Герцен номидаги Россия Давлат Педагогика университетининг юртимиз таълим тизими талабларига мос равишда маҳаллийлаштирилган дарсликларини жорий қилиш белгиланган.

Ҳозирга қадар, қатор янги дарсликлар мактабларга чоп этилиб, ўқувчилар учун фойдаланишга тайёр қилиб қўйилган.

Барча синф ўқувчиларига мактаб кутубхонасида мавжуд тегишли синф дарсликларидан комплектларни шакллантириш бўйича кўрсатмалар берилган. Бу борада 6-, 7- ва 10-синф дарсликларини янгилаш жараёни муддати дастлаб белгиланганидек йил якунига қадар эмас, балки октябрь ойи якунига қадар таъминланади. Ochish/sharhlash

2022-08-30 18:01:49 EʼLON!

SAMARQAND SHAHRI AHOLISI DIQQATIGA!

Xabaringiz bor, joriy yil sentabr oyida mamlakatimizda Shanxay hamkorlik tashkiloti davlat rahbarlarining oliy darajadagi navbatdagi Sammiti, shuningdek qator хorijiy mamlakat rahbarlarining rasmiy tashriflari boʻlib oʻtadi.

Mazkur jarayonlar va tadbirlar oʻtkaziladigan hududlarga yaqin joylarda jamoat tartibini saqlash va xavfsizlikni taʼminlash, shuningdek, aholiga qulay sharoitlarni yaratish maqsadida Samarqand shahridagi umumiy oʻrta taʼlim muassasalarida oʻquv jarayonlari joriy yilning 19-sentabr sanasidan boshlanishini maʼlum qilamiz.

Samarqand shahridagi maktab oʻquvchilarining qoldirilgan dars soatlari oʻquv yili davomida taʼtillar hisobidan toʻldiriladi.

Samarqand viloyati xalq taʼlimi boshqarmasi axborot xizmati.

Ijtimoiy tarmoqlarda bizni kuzatib boring:

Telegram | Facebook | Web-site Ochish/sharhlash