Аккредитациядан ўтмоқчи бўлган хориж журналистига ТИВ ходими шилқимлик қилди
Хорижнинг бир қатор нуфузли ОАВлари журналисти Агнешка Пикулицка-Вилчевска Ўзбекистон ташқи ишлар вазирлигининг Рустам исмли ходими унга яқин муносабат ўрнатиш таклифи билан СМС хабарлар юборгани, ҳатто уни ўпишга уринганини маълум қилди.
Польшалик журналист Рустам билан ўтган йили вазирлик ҳузурида аккредитациядан ўтганида танишганини ёзган.
Журналистга кўра, ТИВ ходими шилқимлик қилгани самара бермагач, босим қилишга ўтган. У журналистдан карантин вақтида ижобий мақолалар ёзишни сўраган.
Журналистнинг аккредитациядан ўтиш бўйича аризаси эса 6 ойдан кейин (қонун бўйича кўпи билан 2 ой) рад этилган. ТИВ буни журналист ўзи аккредитациядан ўтган ОАВдан ташқари бошқа нашрлар учун ҳам ишлаши билан изоҳлаган.
@uznewsuzb
