Nemis klubi yetakchisi bilan yangi shartnoma imzolamoqchi
"Volfsburg" klubi hujumchi Omar Marmush bilan shartnomani uzaytirmoqchi, deya xabar beradi GFFN.
Manbaning xabariga ko‘ra, klub rahbariyati futbolchi bilan Rojdestvo bayrami arafasida muzokaralarni boshlaydi.
23 yoshli misrlik 2020 yildan buyon "Volfsburg"da o‘ynab kelmoqda. Hujumchining amaldagi shartnomasi 2023 yilning 30 iyunida yakuniga yetadi. Transfermarkt portali futbolchining narxini 6 million yevroga baholamoqda.
Marmush joriy mavsumda “Volfsburg” safida barcha turnirlar doirasida 17 ta o‘yinda maydonga tushib, 3 ta gol urgan.
-
