Ўзбекистон Республикаси Президентининг 2022-йил 9-сентябрдаги | URGANCHTRANSGAZ_INFO

Ўзбекистон Республикаси Президентининг 2022-йил 9-сентябрдаги "Энергия тежовчи технологияларни жорий қилиш ва кичик қувватли қайта тикланувчи энергия манбаларини ривожлантириш бўйича қўшимча чора-тадбирлар тўғрисида"ги Фармони, Энергетика вазирлиги ҳамда "Ўзтрансгаз" АЖнинг тегишли буйруқларининг   ижросини таъминлаш мақсадида “Урганчтрансгаз” УК бошқарув аппарати биносининг том қисмига 60 кВт қувватли қуёш панеллари ўрнатилиб, бинонинг электр таъминоти тизимига уланди ва ишга туширилди.
Ушбу қуёш электр станцияси орқали йилига 144 минг кВт*соат электр энергияси ишлаб чиқарилади ва иқтисод қилинади. Йил охиригача “Урганчтрансгаз” УКнинг таркибий бўлинмаларига жами 440 кВт қувватли 18 жамланма қуёш электр станциялари ўрнатилиб ва ишга туширилиши режалаштирилган.
Бундан ташқари  “Урганчтрансгаз” УК бошқарув аппарати биносининг ички қисмининг ёритиш чироқларига жами 50 та харакат сезувчи датчиклар ўрнатилди   ва натижада йилига 1,03 минг кВт*соат электр энергияси тежалади. Йил охиригача 363 дона харакат сезувчи датчиклар сотиб олиниб  таркибий бўлинмаларга ўрнатилиши режалаштирилган бўлиб, бунинг натижасида йилига 7,5 минг кВт*соат электр энергияси иқтисод қилинади.