“Қорақалпоғистон” МГҚБ технологик коммуникатцияларида гидросин | URGANCHTRANSGAZ_INFO
“Қорақалпоғистон” МГҚБ технологик коммуникатцияларида гидросинов ишлари ўтказилди
“Ўзтрансгаз” АЖ газ транспорт тизимининг шимолий ҳудуддаги энг чекка тугуни бўлган “Қорақалпоғистон” магистрал газ қувурлари бошқармасида “Магистрал газ қувурларидан фойдаланиш бўйича техник қоидалар” талабларидан келиб чиққан ҳолда “Б” компрессор цехидаги технологик коммуникатцияларнинг навбатдаги гидросинов ишлари муваффақиятли якунланди.
Ўта аҳамиятли тадбир ҳисобланувчи технологик коммуникатцияларнинг гидросинов ишлари “Урганчтрансгаз” унитар корхонасининг бошқарув аппарати мутахассислари бошчилигида, бошқарманинг тажрибали муҳандис ва пайвандчилари ҳамда бошқа ишчи-ходимлар томонидан ўнлаб техникалар сафарбар қилинган ҳолда амалга оширилди.
“Б” компрессор цехи технологик коммуникатциясини асосий газ тармоғидан ажратиш ва тўсиқ қўйиш, цехнинг технологик коммуникатцияларини сув билан тўлдириш ҳамда унинг босимини синов босимигача кўтариш каби бир қанча ёнғин ва газга хавфли ишлар ходимларнинг кеча-кундуз давом этган машаққатли меҳнати самараси ўлароқ бехатар ва муваффақиятли ўтди. У муддатдан олдин 25-сентабр куни якунланди.
Натижада цех технологик коммуникатциясининг ишчи босимини 55 кгс/см2 га кўтариш ҳамда технологик коммуникатцияларда содир бўлиши эҳтимоли мавжуд қувур ёрилишлари каби хавф-хатарни ёки тасодифий ҳалокатларнинг олди олиш имкони пайдо бўлди. Натижада тизимнинг барқарор ва беталафот ишлашига асос яратилди. Айни пайтда “Б” компрессор цехи магистрал газ тизимига қайта уланган. Цехни гидросиновдан кейинги захирага чиқариш бўйича сўнгги ишлар бажариляпти.
