Assalomu aleykum barchangizga xayrli kun men ijodni boshladim | UmiD's BloG
Assalomu aleykum barchangizga xayrli kun men ijodni boshladim
Oldindan uzr so'rayman kecha yozaman degandim ammo Dramatik kechgan futbol uchrashuvi o'zgacha emotsiyalarni taqdim etdi. Xullas gapni cho'zmagan holda boshladik...
So'zim boshida shuni ta'kidlashim kerakki, universitetda ishlayotganim o'zimga juda ko'p "plyuslar" ni berdi. Ya'ni bu singari katta masshtabli yig'ilishlar, mitinglar va uchrashuvlar men kabi yoshdagilarni aniq ko'zlarini "ochib yuboradi" (negativ kerakmas yaxshi ma'noda aytyapman). "O'zbekistonning hozirgi kundagi Xalq ta'limining vaziyati juda ham og'ir" - deya gap boshladi Baxtiyor Odilovich (shu o'rinda bilmaganlar aytib o'tay Saidov Baxtiyor Odilovich - Xalq ta'limi vaziri). Yaqinda respublikadagi maktab bitiruvchilari o'rtasida Davlat test markazi bilan hamkorlikda sinov jarayonlari o'tkazilibdi. 100 shkalada baholanadigan testlar va bitiruvchilar bahosi... Oldindan bilardim ko'rsatkichlarim ancha passiv lekin ularga berilgan baho 20. Tasavvur qilyapsizmi 20 baho. Bu hattoki 50 yoki 30 ham emas. Bu nima dalolat? Ayb kimda? Bu kabi savollarga javobni barchamiz bilamiz ammo, doimgidek qo'l qovushtirib o'tirishdan nariga o'ta olmaymiz.
Vazirning aytishicha hozirgacha 900 maktabga tashrif buyuribdi. Ko'rsatkich eng yuqori Navoiy viloyati, eng past esa Qashqadaryo va Surxondaryo (shu joyi yoqmadida ). Vazirlik bitiruvchilar o'rtasida "Qaysi kasb egasi bo'lmoqchisiz" mavzusida so'rovnoma o'tkazibdi. Ularning aksariyati 5ta kasb: o'qituvchi, shifokor, harbiy, tadbirkor va huquqshunos bo'lishni istashini bildirishibdi. Respublikaning faqat 2ta Andijon va Farg'ona viloyatlarida maktabda injener (muhandis) bo'lmoqchiman javobi bor ekan. Bu bilan nima demoqchiman maktab o'quvchilarini kasbiy ta'limga bo'lgan qiziqishlarini oshirish kerak. Ularning dunyoqarashlari borgan sari tor bo'lib ketmoqda.
Surxondaryoning Angor va Denov tumanlariga tashrifim chog'ida informatika xonalariga kirdim va kompyuterlarning usti bo'z (qalin oq rangli mato) bilan yopiq turganiga guvoh bo'ldim. Har bir maktabga borganimda qaysi dars bo'lishidan qat'iy nazar men 40-45 daqiqamni ayamasdan o'quvchilarga dars o'tdim. Bir kuni kimyo darsiga kirdim. O'quvchilarga bir savol bilan yuzlandim kimyo faniga oid nechta kasb egalarini sanab bera olasilar deganimda ular faqatgina: shifokor, o'qituvchi va laborant deya javob berdi. Bu savolni o'qituvchisiga ham berdim nari borsa o'zining fanida oid 5ta kasb egasini sanab berdi xolos. Shu o'rinda achchiq bo'lsa ham biz o'qituvchilar juda ham dangasa bo'lib qoldik - deydi vazir. Naqadar achinarli holat-a
Bundan ham ko'p fikrlarni yozishim mumkin edi ammo fikrimni shu yerda to'xtatishga majburman. Shu yergacha erinmasdan o'qib chiqqaningiz uchun tashakkur. Xullas ta'limda qiladigan ishlarimiz hali talaygina. Zero yurtboshimiz aytganlaridek "Najot - ilmda!"
Shaxsiy dunyoqarash va fikrlar majmuasi, muallif esa kamina @Umidthebestlawyer
@Umidthebestlawyer_channel
