2023-02-07 11:16:50
Provokatsiya - bu
psixologik manipulatsiya turlaridan biri bo'lib, shaxslarni salbiy oqibatlarga olib keladigan muayyan harakatlarga undash uchun
provakator manfaatlarini ko'zlab amalga oshiriladigan ijtimoy harakat.
Nega aynan bu mavzuni ochyapman? Chunki, hozirda ijtimoiy tarmoqlar aynan ayrim blogerlar tomonidan “Provokatsiya” oqimiga aylantirildi. Sodda qilib aytganda, har bir ishga “negative” yondashadigan ayrim blogerlarning shaxsiy fikrlariga ularning kuzatuvchilari ko’r-ko’rona ergashishyapdi. Ular albatta, o’zlarining manfaatlarini o’ylab ham bu ishni qilishadi. Masalan, ular qaysidir manasabdor amaldorning birorta yig’ilish vaqtida bildirgan fikrini ijobiy tarafini emas, salbiy tarafini olib, uni o’z ijtimoy tarmoq kanalida yozib chiqadi va ularning obunachilari bu masalani tushungan va tushunmagan holda boshqalarga ulashadi. Natijada o’sha blogerlarning obunachilar soni ancha ko’payadi.
Misol uchun hozirda ijtimoiy tarmoqlarda ayrim blogerlarning shunaqa “negative” fikrlariga duchor bo’layotgan yaqindagina Sog’liqni saqlash vaziri lavozimiga tayinlangan Amrillo Inoyatovning meditsina xodimlarining oylik maoshlari haqida bildirgan fikrini olaylik (fikrlarim ushbu havola ostidagi sahifa haqida emas).
Vazir ochiqcha gapirdi. Bor gapni aytdi. Bu korrupsiya emas. Bu o’zimizning xalq tilida aytganda “suyunchi”. Masalan, siz onangizni biror shifoxonada davolatdingiz, o’sha davolagan doktorga “suyunchi” bermaysizmi xursandligingizdan? Odamlar, korrupsiya bilan “suyunchi”ni farqi bor. Korrupsiya biror ishni bitirish uchun to’lanadigan haq va bu jinoyat hisoblanadi. “Suyunchi” esa boshqa narsa. Ayrim blogerlar o’zlaricha hamma narsa ochiqlanishi kerak, ochiqcha gapirish kerak deydi, og’zini keng qilib. Vazir xalq orasidagi har doim uchraydigan vaziyatni gapirdi. U korrupsiyani nazarda tutmagan. Tangani ikki tomoni bo’ladi. Faqat ham fikrlarni “negative” tarafini o’ylash yaramaydi. Bu esa xalqni mansabdor shaxslarga nisbatan yanada ishonchsizligini keltirib chiqaradi. Xalq ishonmagan mansabdor shaxslar qanday qilib to’g’ri qarorlar chiqara olsin ularning har bitta fikri ayrim blogerlar tomonidan “negative” hurujga uchrayotgan bo’lsa? Bunaqa mansabni egallash va bunaqa mansabda ish yuritish hammaga ham emas. Buni qanchalik katta mas’uliyati bor. Chetdan o’tirib olib, “negative” fikr bildirish hammani qo’lidan keladi. Odamlar, o’zingizni shaxsiy fikringiz bo’lsin. Hamma blogerlarni ham “negative” fikriga qo’shilib ketavermang.
Hurmat bilan,
@sherzod_uktamovich
95 views08:16
U
