Топганларим ва англаганларим...

2023-01-01 22:03:53 #таскин

Қалби синганларга...

Масъудий ўзининг "Муружуз заҳаб" номли ажойиб китобида келтиради:
"Араб аёллари қадимда йиғлаётган боласини ухлатмас экан. Йиғлаётган болани шу ҳолда ухлатилса унинг жисмига ғам сизиб киради, деб эътиқод қилишар экан. Олдин болани овутиб, кулдириб кейин ухлатишар экан. Ана шунда унинг танаси яхши ўсади, ранги ва қони тоза бўлади, дейишар экан!".

Сизнинг оғриқларингиздан маза қиладиган, кўз ёшларингизга енгил қарайдиганлардан узоқда бўлинг. Қалбингизни синдиришга, кўзингизни ёшлатишга ҳеч кимнинг ҳаққи йўқ.
Булардан ҳам ёмони аксар инсонлар буни муҳаббат номи билан қилишади.
Йўқ! Севадиган киши азият бермайди. Биздан ҳар биримиз тўшакда хотиржам ухлашга ҳақлимиз!

Абдулқодир Полвонов


@topganlarim_anglaganlarim Ochish/sharhlash

2023-01-01 22:00:52 #мулоҳаза

Ҳурлар эрингизга қилаётган муомалангизни кузатиб боради.!

Расулуллоҳ соллаллоҳу алайҳи ва саллам айтадилар.:

«Аёл эрига бу дунёда озор бермасин. Акс ҳолда ҳур ийнлардан бўлган аёли шундай дейди: Аллоҳ жазолагур, унга озор берма! У ҳузурингда меҳмон, яқинда сендан ажраб бизга келади».

Имомлар Аҳмад ва Термизий ривоятлари.


@topganlarim_anglaganlarim Ochish/sharhlash

2023-01-01 21:55:26 #назм

Аёл.

Йўл юрарди донишманд тинмай,
Бир қишлоқда бир дам тўхтади.
Савол берди қишлоқнинг аҳли:
- аёл зоти қандай зотдир асли?!
Ўйлаб, деди - Донишманд секин:
- аёл асли қалбнинг гавҳари,
Усиз ишнинг йўқдир самари.
Аёл шундай зотдир ожиза,
Аёл бизга етти мӯъзижа
Оёғининг остида жаннат,
Қўли гулдир ажойиб саънат.
Тишлари дур товланиб турар,
Кўзларида меҳр мавж урар.
Пичирлайди лаблари фақат,
Аёл учун берилган тоқат.
Сочларида қор, қиров номи,
Тилларида бахтнинг каломи.
Қулоқлари тинглар яхши сўз,
Киприклари мисли бир товус.
Қошларида камоннинг акси,
Ҳеч зот йўқдир аёлдек яхши.
Ўзи эмас болам есин дер,
Ширин болам онам десин дер.
Кўникади шарт қўйса тақдир,
Бундай зот ким, аёлдир ахир.
Эркаксизми, аёлни дерсиз,
Аёл менинг бир ёрим дерсиз.
Онам аёл, Аёлим аёл,
Опа -сингил, жигарим аёл.
Ўзбек аёли иболари бор,
Бошда рўмол, Зеболари бор.
Сўзим бисёр аёл васлига,
Сўзим ожиз, аёл наслига.
Деди, шундай сўзлар донишманд,
Қишлоқ аҳлин қамради ҳайрат.
Наҳот аёл, шундай улуғ зот,
Аёларнинг бори ўзи бахт.


Т&А Ochish/sharhlash

2023-01-01 20:31:51 ​#Ибрат_бекати

Қудратлиман деб хомхаёл қилиш – балонинг бошланишидир.

Бир тўрғай бир филнинг йўли устида ўзига уя қуриб, тухум босди. Фил шу сўқмоқдан сув ичишга борар экан. Фил сув ичишга кетаётганида уяни топтаб, тухумни эзиб ўтиб кетди. Тўрғай бу бадбахтликни кўриб дарҳол, бу филнинг иши эканини англади. Учиб бориб филнинг бошига қўнди ва деди:
– Шоҳим! Сен нима учун тухумларимни пачоқлаб, болаларимни ҳалок этдинг? Ўзингга нисбатан мени заиф, кучсиз ва нотавон деб санаганинг учун шундай қилдингми?
– Ҳа ёлғиз шунинг учун, – деди фил.
Тўрғай буни эшитгач учиб қушлар ёнига борди ва бошига тушган фалокатни айтиб берди.
Қушлар:
– Биз филни нима ҳам қила олардик? Биз кучсиз паррандалармиз? – дедилар.
Тўрғай уларга деди:
– Илтимос қиламан, сиз мен билан бориб филнинг кўзини чўқиб кўр қилинг. Унинг бошига мен ҳам шўриш солишни биламан.
Улар рози бўлдилар. Тўрғай билан учиб бориб, филнинг кўзини ўйиб-ўйиб ташладилар. Шундан кейин фил на сув ичиш, на бир овқат топиб ейишнинг иложини қила олди. Турган жойида нима топса, шу билан кифояланиб кун кечирадиган бўлди. Тўрғай буни кўргач аламига чидолмай, ҳовуз ёқасига келиб қурбақаларга фил устидан шикоят қилди.
Улар:
– Биз кучли филга қарши нима ҳам қила олардик, – дедилар.
Тўрғай:
– Сиз фил турган жойга яқин бўлган бир чуқурнинг четига бориб, ўша ерда баланд овоз билан вақир-вуқур қилсангиз, фил сизнинг овозингизни эшитиб, у ерда сув бор экан, деб ёнингизга боради-да, чуқурга қулаб кетади, –деди.
Қурбақалар бунга рози бўлдилар. Чуқур четига бориб вақирлай бошладилар. Сувсизликдан қийналган фил қурбақаларнинг овозини эшитиб, улар томон йўл олди ва чуқурга йиқилиб ҳалок бўлди. Тўрғай эса учиб бориб унинг бошига қўнди ва қанот қоқиб деди: “Эй ўз кучига ишониб, менга ҳақорат кўзи билан боққан зулмкор! Жуссам кичкина бўлса-да, зўр ақл эканини кўрсатдим, сенинг бўйинг дароз бўлса-да, ақлинг қисқа экан, хўш, энди нима дейсан?!”

“Калила ва Димна” китобидан.


@topganlarim_anglaganlarim Ochish/sharhlash

2023-01-01 20:26:25 #назм

Эркак.

Рўзғор камин ёпмоқлик учун,
Югуради, елади эркак.
Чумолидек топганин ҳалол,
Уйга олиб келади эркак.

Совуқ ўтса суягигача,
Чидаб, ишлаб хўрсинар эркак.
Уйга келиб, оловга эмас,
Меҳрингизга исинар эркак.

Бомдод маҳал "ғафлат босма" деб,
Ўйғотгувчи азондир эркак.
Ҳар мушкулга бир ечим топган,
Адолатли меъзондир эркак.

Тоғни талқон қилишга қодир,
Ишқ ўтидан маст бўлса эркак.
Юлдузлардан маржон тақадир,
Муҳаббати рост бўлса эркак.

Ватан, номус, ору-шаънимиз,
Қўриқловчи ғурурдир эркак.
Тинчлик борки, сиғар кўнгилга,
Хурсандчилик, сурурдир эркак.

Муҳаббатдан куч олмоғини,
Айтмай туриб уқтирар эркак.
Бир ширин сўз, меҳрингиз учун,
Дунёни тиз чўктирар эркак.

Гул аёллар! Қанча бўлса ҳам,
Ҳурматлашга лойиқдир эркак.
Хаёт берган энг катта туҳфа,
Катта совға - тортиқдир эркак.

Дилдора Абдиназарова


@topganlarim_anglaganlarim Ochish/sharhlash

2023-01-01 05:42:02 Ассалому алайкум!
Янги йилнинг илк тонги муборак бӯлсин!
Мен ҳам эрта тонгдан, бу йил учун кӯп нарса ният қилмадим.
Фақат битта нарса сӯрадим, қалбимга яқин бӯлган барча инсонларимни, аллоҳим ӯз паноҳида асрасин!


@topganlarim_anglaganlarim Ochish/sharhlash

2022-12-31 16:00:20 #байрам_табриги

Ҳадемай янги 2023 йил кириб келади...
Якунига ета ётган 2022 йил барчамиздан рози бӯлсин!
Янги кириб келаётган 2023 йил эса қутлуғ келсин!



@topganlarim_anglaganlarim Ochish/sharhlash

2022-12-31 15:21:26 #сарҳисоб

TGStat жамоаси @topganlarim_anglaganlarim  каналининг 2022-йил учун статистикасини туҳфа этди.

Унга кўра:

каналга 2022 йилда 48 нафар янги обуначи қўшилган!

йил давомида 299 та пост қолдирилган.

@topganlarim_anglaganlarim  даги постлар жами 41 минг 974 марта кўрилган.

ҳар бир эълон қилинадиган постлар ўртача 140 марта кўрилади

Атиги 1 та канал биздан иқтибос олган.

13 та канал бизни эслаган бўлса, репостлар сони 11 тани ташкил этган.

каналдаги постлар 499 марта репост (forward)  қилиб улашилган (мана шу forward'ларни қанча кўп тарқатсангизлар  каналимиз аъзолари кўпайишига ўз ҳиссангизни қўшасизлар).

бир йилда постларимга 211 та лайк босилган (лайк босиб қўюрийлар кўпроқ)

Постлар остига 52 комент битилибди.

Каналимнинг 1 йиллик камтарона статистикаси. Бу сиз азиз обуначиларимиз кўрсаткичи аслида.

Ҳадемай 1 ёшга тӯладиган каналимиз, шу кӯрсаткичларга эга бӯлди. Янги йилда обуначиларимиз янада кӯпайсин! Содиқ обуначиларимизга каналимиз номидан ташаккур!


@topganlarim_anglaganlarim Ochish/sharhlash

2022-12-29 04:53:34 #Табассум_улашиб

"Қовунчи"ларга жӯнатиб қӯямиз!!!


@topganlarim_anglaganlarim Ochish/sharhlash