2022-08-30 14:14:35
Қишлоқ хўжалиги экин майдонларини суғориш учун
2022 йилнинг 1 апрелидан ҳозиргача
24,3 млрд. м3 сув олиш лимити ажратилган бўлса-да, амалда
25,4 млрд. м3 сув етказиб берилди. Суғориш ишларининг ўз вақтида ташкил этилиши ҳисобига ғалладан мўл ҳосил етиштирилди, бозорларимиз ва халқимиз дастурхони ноз-неъматларга тўкис бўлиб, озиқ-овқатга талаб тўлиқ қопланаяпти. Ёзнинг жазирамасида даласидан бери келмай меҳнат қилган, ғўзасини суғориб, парваришлаётган бободеҳқонлар шу кунларда қийғос очилган бу йилги пахтанинг ҳосилини ҳар йилгидан яхшироқ деб баҳолашмоқда.
Мўл ҳосил яратиш билан бирга, сувни тежаб ишлатиш, ундан самарали фойдаланиш, тўғри тақсимлаш ҳисобига
бугунги кунда республикамиз сув омборларида керакли сув захиралари яратилди.
Муҳтарам Президентимизнинг узоқни кўзлаб олиб бораётган сиёсати ва халқимизнинг қалбидан чуқур жой олган, умуммиллий ҳаракатга айланиб бораётган ғоя ва ташаббуслари натижасини, Янги Ўзбекистонни барпо этиш йўлида астойдил амалга ошираётган эзгу ишлари самарасини дунё жамоатчилиги кенг эътироф этмоқда./
Шу боис халқимиз аҳил ва жипс бўлиб, бу йилги истиқлол байрамини
“Янги Ўзбекистонда эл азиз, инсон азиз” деган ғоя остида нишонламоқда.
Халқимизда
“Сув келтирган элда азиз” деган пурмаъно мақол бор. Асрлар оша тилдан-тилга ўтиб келаётган бу мақол бугунги кунда ҳам ўз оҳорини, қийматини йўқотгани йўқ. Сабаби, чўлларни бўстонга, яшил маконга айлантираётган, табиатга жон бағишловчи сувни келтираётган сувчилар ҳамиша эътиборда бўлган, меҳнати қадрланган.
Ҳар байрамда ходимларни моддий ва маънавий рағбатлантириш бўйича эзгу анъанага айланган хайрли амалларни давом эттирган ҳолда Ватанимиз мустақиллигининг 31 йиллиги арафасида тизимдаги барча ташкилотларда
ишчи-ходимлар учун бир ойлик лавозим маоши миқдорида пул мукофоти ажратилиб, қишлоқ хўжалиги ва озиқ-овқат маҳсулотлари тарқатилди.
Шу кунларда кекса ва фахрий ҳамкасбларни йўқлаш, уларнинг ҳолидан хабар олиш, мурувват кўрсатиш ва эҳсон улашиш каби савобли ишлар ҳам жойлардаги сув хўжалиги ташкилотлари томонидан уюшқоқлик ва юқори савияда ташкил этилаётгани барчамизга мамнуният бағишлайди.
Энг улуғ неъматлардан бири бўлган сувни ифлос қилмаслик, уни қадрлаш, эҳтиёждан ортиқ ишлатмаслик каби халқимизнинг қон-қонига сингиб кетган қадриятлар кейинги йилларда янада кучайиб, фермерлар, деҳқонлар, томорқа эгалари сувни тежовчи технологияларга ўтиш, кам сув билан кўп ҳосил олиш усулларини қўллаш, суғориш маданиятини юксалтиришга интилиш орқали
сувчиларимизга мадад бермоқда, уларнинг ишларини қўллаб-қувватламоқда.
Мустақиллигимизнинг ўттиз бир йиллиги муносабати билан Президентимизнинг Фармонига биноан, давлатимизнинг фахрий унвонлари, юксак орден ва медаллари билан тақдирланган юртдошларимиз орасида сув хўжалиги соҳасининг кўплаб фидойи ходимлари ва фаоллари ҳам бор. Хусусан, Тошкент ирригация ва қишлоқ хўжалигини механизациялаш муҳандислари институтининг собиқ ректори, Сув хўжалиги вазирлиги ҳайъатининг собиқ аъзоси
Умурзаков Уктам Пардаевич (марҳум) “Ўзбекистон Республикасида хизмат кўрсатган ёшлар мураббийси” фахрий унвони билан мукофотланди.
964 views11:14
M
