2023-01-10 13:51:50
SINDROM
Inson harakteri deb atalayotgan narsalar kasallik bo'lishi mumkin. Sizlarga shunday kasalliklardan bir nechtasini topib keldim. Aslida bularni kasallik sifatida qabul qilish unchalik ham to'g'ri emas, chunki men quyida yozib o'tgan sindromlar deyarli psixologik o'zgarishlardir.
1. Qorovul sindromi - bu inson o'z ustunligini ifodalash uchun har tomonlama harakat qiladigan xatti-harakatlardir. Buning eng oson yo'li - bu o'z lavozimidan foydalanish. Bizda byudjet tashkilotlari ishchilariga tekkan kasallik. Kerak bo'lmasa ham qog'ozbozlik bilan sizni ovvora qilishadi.
2. O'rdak sindromi - Ma'lumki, o'rdaklar tuxumdan chiqqanda birinchi bo'lib kimni ko'rgan bo'lsa uni onasi deb o'ylaydi. U haqiqiy ona o'rdakmi yoki boshqa hayvonmi, odam va ba'zan jonsiz narsa bo'ladimi, muhim emas. Odamlarga ham bu hodisa ta'sir qilishi mumkin, ya'nim odam birinchi marta ko'ziga tushgan ob'ektni (ob'ektiv haqiqatga zid bo'lsa ham) avtomatik ravishda eng yaxshi deb hisoblaydi. Sizlarga oddiy qilib tushuntirsam, sotuvchiga "menga taglik bering" deb emas "menga pampers bering" deb aytamiz, vaholanki "Pampers" brand nomi! Fikrga nisbatan ham ishlatsa bo'ladi.
3. Oq quyon sindromi - “Alisa mo‘jizalar mamlakatidagi” Oq quyonni eslaysizmi? Agar biror kishi Oq quyon sindromidan aziyat cheksa, u doimo biror narsaga kechikayotganini his qiladi.
4. "Uch kunlik rohib" sindromi - Ushbu sindromning mohiyati: boshlagan ishingizni oxiriga yetkaza olmaysiz. Trening, chet tili kurslari, qandaydir loyiha, biznes, sport yoki boshqa narsalar, muhim emas. Ilgari bu ishga qancha vaqt sarflaganingizning ahamiyati yo'q: kunlar, haftalar, oylar va hatto yillar - bir lahzada hammasi uchib ketadi. Agar bu muntazam ravishda takrorlansa, bu sizning hayotingizni sezilarli darajada murakkablashtirishi mumkin, bu sizni chinakam muhim maqsadlarga erishishingizga to'sqinlik qiladi.
5. Dorian Grey sindromi - Ushbu sindrom tashqi yoshlik va go'zallikka intilish uchun bor kuchini, pulini va o'z vaqtini sarflashga qodir bo'lgan ko'plab yoshlarga ta'sir qiladi. Bu ularning hayotdagi asosiy maqsadiga aylanadi. Sindrom Oskar Uayldning “Dorian Grey surati” asaridagi, ko‘zguda eskirgan cholni ko‘rib qo‘rqib ketgan qahramon sharafiga nomlangan. Bu holatga xos bo'lgan odamlar bor kuchlari bilan o'zlarining yoshligi va go'zalligini saqlab qolishga harakat qilib va buning uchun kosmetikadan haddan tashqari foydalanishdan tortib, plastik jarrohlikni suiiste'mol qilishgacha bo'lgan har qanday qurbonliklarni qilishadi.
6. Dushanba sindromi - Ko'pchilik ishlaydigan odamlar, shuningdek, talabalar va maktab o'quvchilari, keyingi ish haftasi boshlanishidan oldin paydo bo'ladigan noxush holat bilan tanish. To'satdan aql bovar qilmaydigan charchoq, befarqlik va ba'zida bosh aylanishi va ishtaha yo'qolishi muammolari paydo bo'ladi. Ma'lum bo'lishicha, "dushanba" sindromidan qochish uchun kun boshida o'zingizga to'g'ri tempni belgilashingiz kerak.
7. Diogen sindromi - Ushbu sindromdan aziyat chekadigan odamlar o'zlarini jamiyatdan ajratib oladilar, o'zlarini e'tiborsiz qoldiradi, nihoyatda ziqna va turli xil axlatlarni yig'ishga intiladilar. Sindrom qadimgi yunon faylasufi Diogen sharafiga nomlangan, afsonaga ko'ra, bochkada yashagan.
8. Parij sindromi - Parijga tashrif buyurgan baʼzi odamlar shaharni ular kutgandek emas deb hisoblaydigan haddan tashqari umidsizlik hissi. Vaziyat odatda madaniy shokning ogʻir shakli sifatida qaraladi.
9.
Sindrom Angedoniya - zavqlanish qobiliyatining pasayishi yoki yo'qolishi. Angedoniya bilan og'rigan odam zavq keltirishi mumkin bo'lgan faoliyat uchun motivatsiyani yo'qotadi: sport, sayohat, sevimli mashg'ulotlar.
10. Stokgolm sindromi - vaziyat qurboni dastlab tajovuzkordan qo‘rqadi va nafratlanadi, so‘ng nafrat simpatiyaga aylanadi. Ya'ni o'ziga zulm qilgan odamni yaxshi ko'rish.
Sizga qaysi sindrom ko'proq tanish yoki guvohi bo'lgansiz?
@terminchi
socprofile.com/terminchi
399 views10:51
T
