Таянч ихтисослаштирилган мактабларининг имтиҳонлари жорий йилн | Talim Yangiliklari | OLIY TA'LIM VAZIRLIGI

Таянч ихтисослаштирилган мактабларининг имтиҳонлари жорий йилнинг 25-26-июл кунлари бўлиб ўтади.

Имтиҳон рухсатномасини юклаб олиш учун талабгорнинг ariza.piima.uz сайтига киритилган телефон рақамларига смс-хабарнома юборилади.

СМС-хабарнома боргандан сўнг, рухсатномани юклаб олиш учун талабгор ariza.piima.uz сайтига кириб, “Шахсий кабинет” ига ўз ИД рақамини киритиши керак.

Кириш имтиҳонлари бир босқичда йўналишлар бўйича қуйидаги тартибда ўтказилади:

Аниқ фанлар йўналиши учун:
-математика фанидан 30 та топшириқ (тест шаклида)
-инглиз тили фанидан 15 та топшириқ (тест шаклида)

Табиий фанлар йўналиши учун:
-табиий (сcеинcе) фанларидан 30 та топшириқ (тест шаклида)
-инглиз тили фанидан 15 та топшириқ (тест шаклида)

Талабгорларга топшириқларни бажариш учун 90 дақиқа вақт берилади.

2023-2024-ўқув йилида Ихтисослаштирилган таълим муассасалари агентлиги тизимидаги 3 та Таянч ихтисослаштирилган мактаблари:
Муҳаммад ал-Хоразмий номидаги ихтисослаштирилган мактабининг – аниқ фанлар йўналиши бўйича 5-синфига;
Мирзо Улуғбек номидаги ихтисослаштирилган мактабининг – аниқ фанлар йўналиши бўйича 7-синфига;
Абу Али ибн Сино номидаги ихтисослаштирилган мактабининг – табиий фанлар йўналиши бўйича 7-синфига қабул қилинади.

Имтиҳон натижалари Агентликнинг расмий веб-сайтида эълон қилинади.

@Talim_Vazirligi