ШУНЧАКИ СОҒИНЧ! Лола униб чиқиб қирдан, Тарновлардан чакки т | ТАБРИКНОМАЛАР

ШУНЧАКИ СОҒИНЧ!


Лола униб чиқиб қирдан,
Тарновлардан чакки томса.
Ҳаёлимга келар бирдан.
Онам қилган кўкат сомса.


Бола эдим, адирларда,
Ялпиз териб юрардим.
Топиб олсам бойчечак,
Онамга деб кулардим.


Онам ювуб кўкатларни,
Майдалаб кесардилар.
Бу даданга болам деб,
Қалампир қўшардилар.


Сомса тайёр бўлгунча,
Онамга зор боқардим.
Бўйим кесовдан кичик,
Тандирга ўт ёқардим.


Хиди тутиб ялпизларни,
Иштаҳам очар эди.
Вужудим кучга тўлиб,
Чарчоқ ҳам қочар эди.


Терлаб-терлаб еганимда,
Дардларимга бўлиб малҳам.
Танамдаги дарни бори,
Чиқиб кетар экан билсам.


Бахорий бир насим эсиб,
Тўкилганда бодом гули.
Қийғос бўлиб очиларди,
Ҳисларимдек ўрик гули.


Ёмғир ёғиб куни билан,
Тарновлардан чакки оқса.
Ҳаёлимга келар бирдан,
Онам ёпган кўкат сомса.


-Камронбек Исмоилов. 2023.21.02.


𝐓𝐞𝐥𝐞𝐠𝐫𝐚𝐦 | УМР ЙЎЛЛАРИ!