UzAutoMotors Олий судда ютқазди. Мижозга “Каптива-5” етказиб берилади
“Каптива 5”га пул тўлаб, машинани ололмаган Ў.Қаххоров, “UzautoMotors” ҳамда унинг дилерлик марказидан суд орқали шартнома шартига кўра машинани етказиб беришни талаб қилаётган эди.
Қарши туманлараро суди ва вилоят апеляция суди истеъмолчи талабини рад қилиб, “UzautoMotors” ва унинг дилерлик маркази фойдасига қарор чиқарганди. Шартнома бажарилмаган.
Лекин кураш тўхтамади.
Ишни кўриб чиққан Олий суд бугун “UzautoMotors”нинг “Каптива 5”ни етказиб бермаслик бўйича важларини асоссиз, деб баҳолаб, “UzautoMotors” ва дилер зиммасига шартнома бўйича “Каптива 5”ни истеъмолчига етказиб бериш, кечиккан кунлар учун пеня тўлаш мажбуриятини юклаган.
Истеъмолчига моддий ва маънавий зарарларни ҳам қоплаш бўйича алоҳида даъво киритиши мумкинлиги тушунтирилган.
Монополистнинг Олий судга “тиши” ўтмагани истеъмолчи сифатида шахсан мени ҳам қувонтирмоқда, деб ёзади собиқ депутат Расул Кушербаев.
https://t.me/joinchat/AAAAAFPwXpssSNOiNyR2Sg
