Саудия Арабистони Байденнинг газ нархининг ошиши ҳақидаги айбл | SUBYEKTIV
Саудия Арабистони Байденнинг газ нархининг ошиши ҳақидаги айбловларини рад этди
Саудия Арабистони АҚШда бензин нархининг ошишига унинг нефт қазиб олиш соҳасидаги ҳаракатлари сабаб бўлганини рад этди. Аввалроқ президент Жо Байден Саудия Арабистони ва Россиянинг ҳаракатлари туфайли нархлар кўтарилганини айтган эди.
Fox news телеканалининг хабар беришича, Саудия Арабистони давлат вазири Адел ал-Жубайр АҚШда ёқилғи нархининг ошиши нефтни қайта ишлаш заводининг қуввати етишмаслиги билан боғлиқлигини айтди. Унинг таъкидлашича, АҚШ ўнлаб йиллар давомида янги нефтни қайта ишлаш заводларини қурмаган, бу эса нархларнинг ошишига олиб келган.
У, шунингдек, қироллик нефт нархини ошириш орқали АҚШ манфаатларига зиён келтираётганини ҳам рад этди.
ОПЕК+ яқинда нефт қазиб олишни кунига икки миллион баррелга қисқартиришга қарор қилди. АҚШ араб давлатларини Россиянинг бу ташаббусига қарши чиқишга беҳуда уринган.
Баъзи манбалар бу АҚШ учун ҳалокатли муваффақиятсизлик деб ёзган.
