2020-12-13 19:29:13
Lider bolani tarbiyalash sirlari
Bola boshidan, deganlaridek, xorijlik mutaxassislar olib borgan ilmiy tadqiqotlardan ayon boʻldiki, bolada juda yoshligidanoq tadbirkorlik va liderlik qobiliyatini shakllantirish mumkin. Bu borada quyidagi 7 tavsiya ota-onalarga asqatadi:
Bolaning fikrini hurmat qilayotganingizni uning oʻziga doim bildiring.
Har doim a'lo baho olishga majburlamang. Chunki bolada oʻqishga, bilim olishga qiziqishni kuchaytirish kerak. U baho uchun emas, chinakam ma'noda bilim olishga intilishi lozim.
Maqsad sari dadil qadam tashlashga oʻrgating. Buning uchun kichkintoy turli tanlov va bellashuvlarda koʻproq ishtirok etsin.
Bolaning “shaxsiy hayoti” bilan qiziqib borish lozim. Misol uchun, bogʻcha yoki maktabda biror doʻsti undan foydalanayotgan boʻlishi mumkin. Bolaga chin doʻst hech qachon bunday qilmasligini tushuntiring. Oʻz navbatida, bolangiz ham boshqalarga nisbatan manipulyatsiya qoʻllashiga yoʻl qoʻymang;
Bola toʻgaraklarga borishi, jamoaviy ishlashni oʻrganishi kerak. Chunki lider juratli, kirishimli, ortidan koʻpchilikni ergashtira oladigan boʻlishi shart.
Oʻgʻil-qizingizga nafaqat ota-ona, balki doʻst, sirdosh ham boʻling!
Amerikalik milliarder Freyzer Doerti erishgan barcha muvaffaqiyatlariga sabab deb 14 yoshida buvisining reseptlari asosida mevalardan jem tayyorlashga qiziqib qolganini biladi. U pishirgan murabbolarini qoʻshnilarga sotib, shundan jamgʻargan puliga oʻzining ishlab chiqarish korxonasini tashkil qilgan. Va oradan uch yil oʻtgach millionerga aylangan! Siz ham bolangizda yilt etgan qiziqish va iqtidorni payqasangiz, uni imkon qadar qo`llab-quvvatlang.
221 viewsRahimov Naimjon, 16:29
A
