2022-10-01 06:34:40
АССАЛОМУ АЛАЙКУМ, УСТОЗЛАР! АЙЁМИНГИЗ МУБОРАК БЎЛСИН!
УСТОЗ...
Урфон самосининг ёрқин юлдузи
Ёритар беминнат кеча-кундузи,
Чеккан захмати-чун қолар ортидан,
Тошга ўйилгандек билимлар изи.
Чашми қароғида меҳри мужассам,
Ширин сўзларида сеҳри мужассам,
Онадек меҳрибон, отадек софдил,
Аларга кўнглимда фахрим мужассам.
Ундан сабоқ олган оқилу дониш,
Берган сабоғидан йўллар кушойиш,
Саловат айтгайдур ҳаттоки боғда,
Сайроқи булбуллар айтиб зўр хониш.
Уларга керакмас дунёнинг зари,
Шогирдин етаклар комиллик сари,
Камол топса шогирд, кўзда ёш ила,
Унутилар хобсиз ўтган тунлари.
Маърифат чироғи айтинг ким эрур?
Билимлар булоғи айтинг ким эрур?
Зулматни шам каби ёритгай, илло,
Доно халқ аларни УСТОЗ, деб билур!
Мунира Султон
БЕКОБОД
29.09.2022 23:55
32 viewsMunira Sulton БЕКОБОД, 03:34