Қовун пашшасига қарши кураш чоралари
Қовун пашшаси 2000 йилдан бошлаб илк бор мамлакатимизнинг шимолий ҳудудларида аниқланди. Бугунги кунда бу зараркунанда барча вилоятларда учраб, личинкаси асосан қовунни ва кам миқдорда тарвуз, ошқовоқларга сезиларли зарар етказмоқда. Сохта ғумбаги тупроқда қишлайди. Битта урғочиси 120 тагача тухум қўяди. Зарарланган қовунлар чириб кетади. Йилига икки-уч марта авлод бериб ривожланади.
Агротехник чоралар: Далада чириган қовунларни йиғиб олиб йўқотиб (кўмиб) ташлаш; ерни чуқур шудгор қилиш; эртапишар навларни эрта муддатларда экиш
(пашша фақат энди пайдо бўлган меваларни зарарлайди, пўсти қотган меваларга тухум қўя олмайди).
Кимёвий кураш чоралари:
Дала майдонларида қовун ўсиш ва гуллаш даврида қуйидагилар тавсия этилади: Фуфанон 57% эм.к -0,6-1,2 л/га, БИ-58 40% эм.к - 0.5-2.5 л/га, Каратэ 5% эм.к. - 0.5л/га, Конфидор 20% эм.к - 0.3-0.4л/га, Адмирал 10% эм.к - 0.5 л/га, Аваунт 15% сус.к - 0.4 л/га.
WWW Telegram Instagram Facebook YouTubе TikTok
