Hamroh boʻldi koʻngilga gumon,
Yuragimga alamlar makon,
Mening kabi qizgʻonib har on,
Sevolasizmi?!
Koʻnolmagan hislarimdasiz,
Bosilmagan izlarimdasiz,
Hoy yurakni oʻgʻirlagan qiz,
Sevolasizmi?!
Kuyinaman, kuyaman oʻzim,
Sizni baxtga eltmoqlik soʻzim,
Oshiq kabi ey moviy koʻzim,
Sevolasizmi?!
Maktublarga dardni oʻrayman,
Sadoqatga sodiqman shayman,
Sizdan umid ila soʻrayman,
Sevolasizmi?!
Sevaman deng, yulduzlar kabi,
Tunni kutgan kunduzlar kabi.
Matonatli oshiq yurakda,
Yashang jonim gulyuzlar kabi!
Juma ARIPOV
@She_rlarimdasan
