«ШАРҚ ЮЛДУЗИ» журнали

2022-08-24 13:13:00 #Новелла (5-сон/2022)
Фотима
АБДУРАИМОВА

(Бир ошиқ йигитнинг кўнгил кечинмаларидан парча)

Энди мен сизни ҳар куни кўраман.
Ҳар куни учратаман сизни, Соҳибжамол. Гоҳ ёлғиз, гоҳо қизлар билан, гоҳида... йигитлар билан ҳам. Нима ҳақда сўзлайди улар? Йигитлар билан кўрганда сизни, негадир, руҳимда бир ғалаён пайдо бўлади!

Уларнинг биттаси ҳам сизга муносиб эмас. Тенгингизмас! Ким бўлибди улар сизнинг олдингизда? Ойдай оразингиз олдида ким улар? Ҳеч ким! Бир сурув "вақ-вақа"лар!

Мен сизни ўша тўпорилардан қизғанаман.

Сиз яхшисиз, Соҳибжамол,
фариштасиз! Йўлатманг уларни ёнингизга. Қувиб солинг!.. Нималар деб валдираяпман ўзи? Ахир биз ҳанузгача бир оғиз ҳам гаплашмадик-ку? Сиз менинг исмимниям билмайсиз-ку! Мен сизнинг тенгингизманми? Муносибманми мен сизга?

Телеграм каналга уланиш:
"Шарқ Юлдузи" журнали Ochish/sharhlash

2022-08-24 11:04:14 #Назм (5-сон/2022)
Азиз САИД

ХАТОЛАР

Биз хато қиламиз
Довдираб қолиб.
Сўнг ётиб ўйлаймиз:
“Ҳаётнинг сабоғи –
Хатолар –
Такрор бўлмас энди
Ёддан чиқмас адоғи...”

Тасодиф. Ваъда ва Алдов.
Яна довдирашлар
Тўлқинидамиз.
Бесубут руҳимиз
Алғов ва далғов.
Яна кўҳна тарих –
Хато ва афсус.
Юракда қарғишу
Лаънатлар қолдирган
Қонли яралар ҳам
Тушади қуриб –
Ҳарорат вақтнинг
Ойинасидан.
Шундай келаверар
Кетма-кет улар.
Биз ётиб ўйлаймиз

Яна:
“Ҳаётнинг сабоғи
Хатолар...”

Телеграм каналга уланиш:
"Шарқ Юлдузи" журнали Ochish/sharhlash

2022-08-23 08:36:38 Шарофиддин Тўлаганов
#Муносабат

Бизнинг ўқувчилик давримиз газета-журналлар ичида ўтган

Оталаримиз мажбуран газета-журналларга обуна бўлишган. Энг қизиғи, мана шу мажбурий обуналардан оталаримиз оғринмаган. Оиламиз ўрта ҳол бўлишига қарамай, уйда бирор марта бўлса-да “шу газета-журналлар ўзи нимага керак”, деган гапни эшитмай катта бўлибман. Деярли барча ўзбекча газеталарни(жумладан ўқувчиларнинг “Ленин учқуни”-ю, “Ғунча”, “Гулхан” журналларини) олардик. Ҳар ойда “Муштум”, “Фан ва турмуш”, “Гулистон” “Саодат”, ва албатта “Шарқ юлдузи” журнали келарди. Қаранг, оддий бир колхозчи мажбуран шуларга обуна қилинарди. Болалар ўқимаган тақдирда ҳам миясида “шуларни ўқиш керак, нимадир оламиз”, деган фикр бўларди, албатта.

Газета ўқиб тураман. Журналлар ҳолидан бехабар эдим. Кеча дўстимиз Сирожиддин Рауф қўлимга “Шарқ юлдузи” журналини тутқазиб, “бир ўқиб кўринг”, деди.

Бугун журнални варақлаб чиқдим. Яхши шеърлар, яхши ҳикоялар бор экан.

Шукур Қурбоннинг “Кечикмаган ишқ садолари”,
Санбар Меҳмоннинг “Ишқ дея аталган энг сирли фанман”,
Салим Ашурнинг “Китобларнинг қатида шеърлар бориб келади”,
Дилноза Камолнинг “Шивирингдан уйғонсин дунё” деб номланмиш шеърлар туркумини ўқиб, маза қилдим.

Бир вақтлар “Озодлик” радиосида ишлаган Азизулло Аралнинг “Ўткан кунлар” романи ҳақидаги “Кули кўкка соврилмас асар” деб номланган мақоласини ўқиб, рости ўйга толдим.
Тўғриси, шу кунгача қўшни мамлакатларда яшайдиган ўзбеклар нима еб, нима ичаётгани, нима ўқиётгани ҳақида ўйлаб кўрмаган эканман. Азизулло Аралнинг мулоҳазаларни ўқиб, ҳаёлга ботдим: “Афғонистондаги ўзбеклар аввал қандай яшаган, ҳозир ҳаёти қандай, келажакда уларнинг тақдири нима бўлади? Умуман, қачонлардир дунё ўзбеклари ягона миллат бўладими?” Мақоладаги бир ибора диққатимини тортди: “Маълумотларга кўра, 1960 йилларда Афғонистонда хоким табақа маъмурларидан Муҳаммад Гул Мўманд ўзбек тилидаги ёзма ёдгорликлар, айниқса қўлёзма китобларни йиғиштириб, айримларини арзимайдиган пулга сотиб олиб, уларга ўт қўйган”. Эҳ, бечора ўзбек, дегинг келади. Мақолада “Ўткан кунлар” романининг Афғонистонда нашр қилинишига урғу берилган. Бу кўнглимни кўтарди.

Ҳадеб, интернет, интернет, гайжет,гайжет деявермай, сал газета ва журналларни ҳам варақлаб туриш керак экан. Руҳингиз енгил тортгандек бўлади.

Телеграм каналга уланиш:
"Шарқ Юлдузи" журнали Ochish/sharhlash

2022-08-23 08:30:59 #Фото
Халқаро шарҳловчи Шарофиддин Тўлаганов ва "Шарқ Юлдузи", "Звезда Востока" журналлари бош муҳаррири Сирожиддин Рауф Ochish/sharhlash

2022-08-22 08:44:57 #Назм (5-сон/2022)
Баҳром РЎЗИМУҲАММАД

Бу – мен. Агар кўзингизга қиёфам хунукроқ кўринса менда гуноҳ йўқ.

Ихтиёрим бўлса сизга ёқиш-чун танлаб олар эдим нафис либосни – гўзал қиёфани, сермаъно кўзни, ҳеч вақт сизникидан юқорироққа кўтарилмайдиган бурунни... бари барини ўз фикрим, ўз ақлим измига тушиб чертиб олар эдим битта-битталаб.

Мени адо қилар бу дард бир куни, кўзгуга қарайман, бу кўзгу ахир минглаб қорачиқдан таркиб топган-ку!

Гўё телба, телба сингари ҳар кун ҳайқираман ҳуда-беҳуда.

Майли, отқулоқман, майли сариқ гул сизга осойишта умр бермайман. Келинг, ҳайқирайлик. Бу овоз ахир барча товушларни шишира бошлар. Агар тепадаги мукаммал вужуд эшитса, яқинроқ келиб бемалол бизга бармоғини бигиз қилганча кўрсатиб беради энг тўғри йўлни.

Телеграм каналга уланиш:
"Шарқ Юлдузи" журнали Ochish/sharhlash

2022-08-22 08:27:34 #Бу_бўстон_саҳнида (5-сон/2022)
Хосият БОБОМУРОДОВА

ГУЛ АЙЛАДИ

Мен арзи ҳол этсам ёниб, бу хилда ташналикдан,
Ўксима, деб ғамларимга қўшди ғам, кўл айлади.

Мен-ку васлин орзусида юлдузларни яратдим,
Ўзим кўкда ой бўлдим, ул дилимни қул айлади.

Девоналигин ташбеҳин сўрмангиз Хосиятдин, Бехабарман, не айласа, шеър билан ул айлади.

Телеграм каналга уланиш:
"Шарқ Юлдузи" журнали Ochish/sharhlash

2022-08-18 15:10:26 #Назм (6-сон/2022)
Салим АШУР

СИЗДА БИР ГАПИМ БОР

Ёшлик қувончига йўқ эди ҳудуд,
Ғофиллик бор эди қишлоқ тинчида.
Жудаям тор эди бу қобиқ, сукут,
У “8”да эди, мен – ўнинчида.

Қалбларнинг зарблари ўтди қадамга,
Ғира-шира кўча изоҳ сўрарди.
Ўртада сўз демай келар, елкамга
Февралнинг елкаси тегиб турарди.

Телеграм каналга уланиш:
"Шарқ Юлдузи" журнали Ochish/sharhlash

2022-08-18 14:58:27 #Адабиётшунослик (6-сон/2022)

Салима ЖУМАЕВА

БАДИИЙ ОБРАЗ ЯРАТИШ МАҲОРАТИ

Икром Отамурод шеъриятида фаол қўлланилувчи кангул/кўнгил образининг маъно қирралари шоир ижодининг долзарб муаммолари билан боғлиқ индивидуал мазмун касб этади. Зеро, шоир наздида бир олам борки, унда ҳеч қачон вақт ўтмайди, унинг қадри ҳам кетмайди. У ўзини ҳаммага ҳам кўрсатавермайди. Бу оламнинг номи КАНГУЛдир. Борлиққа муносабат ҳисси гоҳ шиддат билан, гоҳ сокинлик билан ҳаракатланади. Шоир шеъриятига ошуфта қалблар инсон харитасининг “Кангул” деб аталмиш мамлакатида ўзлигини англайди.

Телеграм каналга уланиш:
"Шарқ Юлдузи" журнали Ochish/sharhlash

2022-08-17 12:47:58 #Драматургия (6-сон/2022)

Амир Темур
Чўчитди кўрган тушим,
Бошимдан учди ҳушим.
Тоқатимдан айрилиб,
Дардланмасам бўлгайди.
Манзилимдан эртароқ
Отланмасам бўлгайди...

Имом Барака
Аллоҳдан келган фармон –
Бандага бўлар армон.
Манглайга ёзилганин
Толеингдан кўрарсан,
Фарзинг бўлса – ўтарсан,
Қарзинг бўлса – тўларсан...

Телеграм каналга уланиш:
"Шарқ Юлдузи" журнали Ochish/sharhlash

2022-08-17 12:44:38 #Назм (6-сон/2022)

Ёшликда бахт излаб чопганларини,
Кун келар, одамзод унутар бир кун.
Кексайган чоғида топганларини
Айрича эъзозлар – безовта, беун.

Сен қайда? Дунёнинг қайси бурчида,
Қай тахлит яшадинг, менга кўринмай?
Ўлтирган эдингми бир тош ичида,
Ташқарига чиқиш учун уринмай?

Телеграм каналга уланиш:
"Шарқ Юлдузи" журнали Ochish/sharhlash