Sevgimiz Men seni sevgimga tashna qilmayin Sen meni mehringga intiq qilmagin Seni qalbim bilan ardoqlab yashay Sen esa mehringga oʻrab tashlagin Shunday sevaylik-ki bir-birimizni, Hatto-ki dunyolar hayratda qolsin. Hayo libosini kiygan sevgimiz Havas qilganlarga ibratlar olsin... Nigohing koʻzimga tushgani zamon, Tiling soʻz demasdan tushunsam seni. Yuraging eslatsin, unutsang bir on, Koʻzlarimda porlab turgan mehrni Sen menga "sevaman" deb aytmading hech Men senga "sevaman"demadim zinhor Duoi joningni qilgum erta-kech Deyman hayotimda yaxshiyam sen bor Qayda boʻlmay boʻlib mendan havotir Yaxshimisan deya soʻraysan ahvol Oʻylayman balki chin muhabbat shudir Balki shu men kutgan eng shirin iqbol Kel, shunday chopaylik baxtimiz quchib Yomonliklar bizga yeta olmasin Sevgimiz oʻchogʻi qolmasin oʻchib Umid bogʻlarimiz gullab tolmasin Sen mendan charchama men sendan hargiz Bir umr mehring-la yonib yashayin Shunday sadoqatli qalb sohibiga Jonimni poyondoz qilib toʻshayin 593 views ۦصابِنَ , 07:52
