Qizlarga murojaat qilmoqchiman: Malala 17 yoshida Nobel oldi | 𝑺𝒆𝒗𝒊𝒏𝒄𝒉 | inner blog🌝
Qizlarga murojaat qilmoqchiman:
Malala 17 yoshida Nobel oldi.
Billie Eillish 18 yoshida "world domination" ga ega bo'ldi. Bir vaqtni o'zida 5 ta Grammy mukofotini qo'lga kiritdi.
Madison Beer 17 yoshida butun dunyoga mashhur albomini release qildi.
Gigi Hadid 21 yoshida "Yilning eng zo'r xalqaro modeli" deb e'tirof etildi.
Charlie D'amelio hozir 16 yoshda. TikTok tarmog'ida 101 mln followerlarga ega bo'lib, "Queen of TikTok" nomiga ega bo'ldi.
Greta Thunberg 16 yoshida BMT da atrof-muhit muammolari va iqlim o'zgarishlari haqida so'zlagan nutqi orqali dunyoga "Social Activist" sifatida tanildi.
Emma Watson 11 yoshida butun dunyoga "Germiona" roli orqali tanildi
Sizchi?
15 dan oshgansiz, lekin magazinga non olgani yolg'iz bora olmaysiz, shundaymi?
O'qishga kirishdan boshqa maqsadingiz bo'lmagani uchun, kirib bo'lgandan keyin, "bo'ldi hammasiga erishib bo'ldim!" deb to'xtab qoldingiz, shundaymi?
O'smir paytingizda qaysi yigit gapirsa, hayajonlanib, "voy, bu meni sevarkan, " deb tuyg'ularga erta berilib ketdingiz, shundaymi?
Mayli, unday emasdir, bu gaplarim sizga tegishli emasdir.
Ehtimol,
Orzuyingiz bor-u, biroq ota-onangiz, oilangiz orzularingizni tushunib yetmasliklaridan qo'rqib chekinayotgandirsiz.
Oqimga qarshi suzish xavfidan qo'rqayotgandirsiz.
Balki sizni yuragingizni sindirishgadir. Sevgan insonlaringiz sizni ranjitishgandir.
Hayotga bo'lgan qiziqishingizni yo'qotgandirsiz.
"Meni baribir hech kim tushunmaydi" deb xonangizga qamalib olib yig'larsiz.
Lekin bir narsani aslo unutmang,
"Siz bunday hayotga loyiq emassiz. Siz! yig'lash uchun, ranjitilish uchun, kimdir tomonidan xo'rlanish uchun dunyoga kelmagansiz. Shuning uchun bas qiling, iltimos! Bas qiling drama yasashni, kimgadir yoqishga harakat qilishni, kim nima desa "menga farqi yo'q", "xo'p" deyishni, odamlar fikri bilan yashashni, o'tmishdagi yomon voqealarni hadeb o'ylayverishni bas qiling! Yuzim bunday, bo'yim unday, sochim bunday, kiyimim unday, arriqman, semizman, kaltaman, uzunman, qoraman, oqman deyishni bas qiling! Tashqi ko'rinishingizni hech narsani o'zgartirishga majbur emassiz, siz shundayligingizcha jozibalisiz, betakrorsiz. BITTASIZ! Boshqa "siz" bu dunyoda yo'q, siz yagonasiz! O'zingizni sevishni, hurmat qilishni boshlang, odamlar izidan emas, orzular izidan quving, "Yo'q" deyishni o'rganing, o'zingizni himoya qilishni o'rganing, sport bilan shug'ullaning, maqsadlar bilan chlg'ishni, band bo'lishni o'rganing, pozitivlikka intiling, hammasi yaxshi bo'lishini, quyosh baribir porlashini, marraga oz qolganingizni o'zingizga eslatib turing!"
"Dunyoni o'zgartirish uchun dunyoga kelgansiz, oddiy yashab o'lib ketadigan ahmoq yo'q, jamiyatga, atrofdagilarga, "dunyoga" nimadir qoldirishingiz haqida o'ylang, siz bilan bir kun kelib faxrlanishlarini, sizga qarshi chiqqanlar afsuslanishini, siz "KUCHLI" ekanligingizni o'zingizga aytib turing"
Siz judayam chiroylisiz!
Sizni judayam yaxshi ko'raman!
