Sanjar Nazar

2023-01-30 17:24:37 Охирги пайтларда чет элга кетиш орзусида юрган одамларни кўп учратяпман. Бундан бир йил ёки беш йил олдингидан кўпроқ. Сўнгги йиллардаги «green card» ўйнаш бўйича етакчилигимиз бу ҳолат тўлалигича ёлғиз ўзим билан боғлиқ, субъектив вазият эмаслигини англатиб ҳам турибди. Нега? Ахир 25 йиллик “қўрқинчли туш” (с) даврларида ҳам одамлар бунчалик ватандан безишмаган эди-ку. Жони, моли хатарда бўла туриб ҳам “суриш” ҳақида режа тузишмасди-ку. Орзу қилишган бўлса бордир, у бошқа масала. Бугун эътиқод эркинлиги олдингидан кўпроқ, ҳар ҳолда араб ёзувида бирон маълумот сақлаган одам террористликда гумон қилинмаяпти. Бизнес юритиш анча осонлашди, конвертация бемалол, сўз эркинлиги ҳам олдингидан кўпроқ. Бир қарасанг, кетганлар қайтиши керакдек.

Ўзимча бу ҳолатнинг сабабини тушунгандекман: умид ўлиб қолди. Ўзгаришлар, ислоҳотлар, ваъдалардан илҳомланиб, келажакка умид билан қарай бошлаган одамларимизнинг ҳафсалалари пир бўла бошлади. Ислоҳотларнинг секинлашиши, мавҳумлашиши, номаълум тарафга йўналтирилиши одамларни гангитиб қўйди. “Қўрқинчли туш” даврларида ўйин шартлари аниқ эди. Тўғри жуда ёмон ўйинни ўйнаётгандик, аммо қоидалари бор эди. Уларга амал қилиб, уйғониш орзусида кун кечирса бўлаверарди. Аммо яхши(роқ) бўлса-да, қоидасиз ўйин одамларни кўпроқ чўчитаётгандек. Адашаётган бўлсам, хурсандман.

Умидни қайтариш керак, тирилтириш керак!

2019 йил. Ochish/sharhlash

2023-01-18 13:32:48 Zararli kitoblar xavfli emas. Ularni osongina ajratib olish, yomon deya belgilab qo‘yish mumkin. Foydasiz (ilimiliq, o‘rtamiyona) kitoblar juda xavfli. Ularga e’tibor bermaymiz, qarshi kurashmaymiz. Ular esa sekin-asta avlodlarning didini to‘mtoqlashtirib boraveradi. Kitob o‘qishga bo‘lgan ehtiyojingiz qonadiyu fikringiz tiniqlashmaydi, qalbingiz yumshamaydi, ko‘nglingiz tozarmaydi. Mutolaa zavqini tuymaysiz, unga xumorlikni orttirmaysiz. Oqibatda, haqiqiy kitob o‘ladi, uning o‘rnini kitobsifat, foydasiz matah zabt etadi. Agar bu o‘zim to‘qib olgan vahima bo‘lmasa, shundan xavotirlanishga chaqirgan bo‘lardim. Ochish/sharhlash

2023-01-14 11:00:40 Poytaxtning qoq markazida na issiqlik va na elektrsiz ko’rpaga o’rangancha shukr qilib yotibman. Yaxshiyam yapon-paponga o’xshash aqlsiz emasmiz. Aks holda xarakiri qilingan shuuncha mas’ul rahbarlarni dafn qilish ham g’irt tashvish bo’larmidi?! Ochish/sharhlash

2023-01-13 16:14:57 ​​Shleyf. Bu so‘z sizga tanishmi? Men uni fransuz romanlarida “ayollar ko‘ylagining orqada sudralib yuradigan uzun etagi” maʼnosida uchratgan edim. Keyin bu so‘zning atirlarga oid maʼnosi haqida bildim. Xushbo‘ylikning havoda qoldiradigan “izi” ham shleyf deyilar ekan. Agar shu so‘z bo‘lmaganida quyidagi holatni bir so‘z bilan anglatish qiyin bo‘lardi.

Odatda, kimgadir yaqin bo‘lsang, unga nisbatan ochiq ham bo‘lasan. Ochiq bu himoyasiz deganidir. Shundan bo‘lsa kerak, yaqinlikning taʼriflari juda baland pardalarda tarannum etiladi. Yaqindan o‘zni qurbon qilish maʼnosi kelib chiqadi shu tarzda. Yaʼni o‘zingni unga topshirgansan. Go‘zalmi? Beshak go‘zal! Endi Alloh taolodan o‘zgaga yaqinlik beillat bo‘lolmasligini aytib o‘tishning gali keldi. Odamlarga yaqinlikning salbiy oqibati himoyasiz holingda qabul qilib oladigan zarbalaringdir. Yaqin sening qon silqib turgan yarangga bexosdan yoinki biron sabab bilan xoslab tegib qo‘yganda sen o‘zingni himoya qilolmaysan. Vaqt o‘tib yara bitib ham ketar, shu yaraning asl sabablari ham, hatto qachondir mavjud bo‘lganligi ham unut bo‘lar, ammo o‘zingni himoyasiz topshirgan yaqinning teginishidan yetgan ozor o‘tib ketmaydi. Hatto kuchayadi ham. Mana shu azob ham shleyf deb ataladi.

Yaqinlarimizni, bizga o‘zini himoyasiz topshirganlarni asrashimiz kerak. Aks holda shleyfning yukini yelkalab yurishga majbur bo‘lamiz. Odamzotning toqatidan mutlaq ortiq bo‘lgan yukni. Ochish/sharhlash

2023-01-11 12:43:50 Muallif va noshirlar uchun tanish holat Ochish/sharhlash

2023-01-10 10:42:19 Эртага аномал совуқ келармиш…
Карикатура: @habikatura Ochish/sharhlash

2022-12-11 15:56:35 Ochish/sharhlash

2022-12-11 10:19:24 Диктатор бу катта полотнодаги мазаикалар жамланмасидир, охирги пазл қўйилмагунча унинг ким эканини билиш қийин кечади. Охирги пазл қўйилгандан кейин у мисли кўрилмаган зулмни бошлайди, палатно шаклланиш жараёни "ислоҳот" деб номланади ва афсуски бунга жамият ойдинларининг кўпчилиги ишонади. Ҳамид Содиқ @HamidSodiqUz Ochish/sharhlash

2022-12-10 10:13:24 "Сизлар катта Миллатсизлар!"

Ўтаётган ҳафтада Ўзбекистонга келган хорижлик билан суҳбатлашиб қолдик. Гап орасида "Сизлар катта Миллатсизлар, Сизлар билан ановулар ҳисоблашишлари керак" деб қолди. Одатда чет эллик меҳмонларнинг овқатларингиз мазали, мамлакатингиз чиройли, деган умумий ва навбатчи лутфларига қулоғимиз ўрганиб қолган.

Катта Миллат ва ҳисоблашиш масаласидаги гап эса лутф эмас, бор ҳақиқат. Фақат биз ўзимиз бунга эътибор бермаганмиз шу пайтгача. Миллат ўлароқ Кичиклик ва кемтиклик комплексида яшаганмиз негадир.

Европа Иттифоқи давлатларига қиёс қилинса, Германия, Британия, Франция, Италия, Испания ва Польшадан кейинги 36 миллион нуфусга эга еттинчи давлатмиз. Келаси йили Польшани ҳам ортда қолдирамиз.

Германия билан тепадан туриб гаплашиш мумкинми?
Франция билан-чи? Франция ҳақида қанақадир режаларни улар иштирокисиз ё бир томонлама битимлар ҳақида гапирилган куни французлар ўша куни режа ва битимни етти буклаб, келган жойига қайтмас қилиб тиқади.
Полякларни гапирмай, улар ҳамиша ўзларининг Катта Миллат эканини билишган.

Айрим давлатлар аҳолиси, номини айтиш шарт эмас, йилига бир миллионга қисқараётган бир пайтда биз деярли бир миллионга кўпаймоқдамиз.

Йигирма биринчи асрда энг катта бойлик бу одамлар, нуфус. Украинадаги уруш ҳам, агар чуқур қаралса, нуфус учун кетаяпти.

Сонимиз тадрижи сифатга айланади. Ўтган 30 йилда Хитойда шундай бўлди, Ҳиндистонда шундай бўлди, Бангладешда шундай бўлмоқда. Ўзбекистонда ҳам бўлади.

Катта Миллатга 36- миллион ватандош муборак!

@the_bakiroo Ochish/sharhlash

2022-12-06 10:13:39 Ha, sovuq. Ha, gaz, elektr bilan muammolar bor. Ammo qo’rqinchlisi bu emas. Qo’rqinchlisi bironta mas’ul chiqib vaziyatga izoh bermayotganligi. Gaz va elektr muammosining asl sababi ham balki shudir?!

Bizda pichoqqa ilingulik siyosiy texnologlar ham yo‘q-da. Aks holda, bunaqa muammoli vaziyatlarni foyda tomonga hal qilib yuborish juda oson. Chunki xalq muammolar qarshisida jipslashadi. Hozir kimdir chiqib yolg‘ondan bo‘lsa ham: "Xaloyiq, ilojimiz yo‘q. Kuchimiz yetmayapti. Tashqi dushmanlarning ham hissasi bor bunda. Eski O‘zbekistondan bizga qolgan meros bu, na iloj", – desa aksariyat odamlarning ko‘ngli yorishardi, ilir edi. Hamma bitta tomonda, bitta kemada ekanligini his qilar edi. Ochish/sharhlash